ടൊവിനോയുടെ ഷെഫ് വിഷ്‌ണു വാഹനാപകടത്തിൽ മരിച്ചു; വേദന പങ്കുവച്ച് താരം

പേരൂരിലെ ബന്ധുവീട് സന്ദർശിച്ച ശേഷം മടങ്ങുന്നതിനിടെയായിരുന്നു വിഷ്ണു അപകടത്തിൽപ്പെട്ടത്. പൊലീസും നാട്ടുകാരും ചേർന്നാണ് അപകടത്തിൽപ്പെട്ടവരെ ആശുപത്രിയിൽ എത്തിച്ചത്.

മറ്റൊരു ബൈക്കിൽ സഞ്ചരിച്ചിരുന്ന പേരൂർ സ്വദേശികളായ മാത്യൂസ് റോജി, ജസ്റ്റിൻ മാത്യു എന്നിവർ ഗുരുതര പരിക്കുകളോടെ കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലാണ്. വിഷ്ണുവിനെ തെള്ളകത്തെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. പാരലൽ കോളേജ് അധ്യാപകനായിരുന്ന പരേതനായ ശിവാനന്ദൻ - രാജി ദമ്പതികളുടെ മകനാണ് വിഷ്ണു. ഭാര്യ - ആതിര, സഹോദരങ്ങൾ - ശ്രീജ, ജ്യോതി. സംസ്‌കാരം വീട്ടുവളപ്പിൽ നടന്നു.