പാലക്കാട് ഉത്സവത്തിനിടെ കൊമ്പൻ തെച്ചിക്കോട്ടുക്കാവ് രാമചന്ദ്രന്‍ വിരണ്ടോടി; ഒന്നാം പാപ്പാന് പരിക്കേറ്റു

പാലക്കാട്: പാലക്കാട് ഉത്സവത്തിനിടെ ആന വിരണ്ടോടി. പാടൂർ വേലക്കിടെയാണ് ആന വിരണ്ടോടിയത്. കൊമ്പൻ തെച്ചിക്കോട്ട്കാവ് രാമചന്ദ്രനാണ് വിരണ്ടോടിയത്. എഴുന്നള്ളത്തിന് ആനപ്പന്തലിൽ അണിനിരന്നതിനു ശേഷമാണ് ആന മുന്നോട്ട് ഓടിയത്.

Also Raed-ഒരു നാൾ ഉത്സവത്തിന് 6.75 ലക്ഷം രൂപ; തെച്ചിക്കോട്ടുകാവ് രാമചന്ദ്രന് ചാവക്കാട് വിശ്വനാഥക്ഷേത്രത്തിൽ റെക്കോഡ് ഏക്കം

ഉടൻ തന്നെ എലിഫന്റ് സ്ക്വാഡും പാപ്പാന്മാരും ആനയെ തളച്ചതിനാൽ അപകടം ഒഴിവായി. പിറകിൽ നിന്നിരുന്ന ആന ചിന്നം വിളിച്ചതോടെയാണ് തെച്ചിക്കോട്ടുകാവ് രാമചന്ദ്രൻ മുന്നോട്ട് ഓടിയത്. ഒന്നാം പാപ്പാൻ നെന്മാറ കരിമ്പാറ സ്വദേശി രാമൻന് പരുക്കേറ്റു.