രാഹുൽ ഗാന്ധിക്ക് അപരൻമാർ രണ്ട്; വയനാടൻ അങ്കത്തിനിറങ്ങുന്നത് 23 പേർ
Last Updated:
വയനാട് ലോക്സഭാ മണ്ഡലത്തിൽ നിന്ന് ജനവിധി തേടുന്ന കോൺഗ്രസ് അധ്യക്ഷൻ രാഹുൽ ഗാന്ധിക്ക് അപരൻമാർ രണ്ട്.
കൽപറ്റ: വയനാട് ലോക്സഭാ മണ്ഡലത്തിൽ നിന്ന് ജനവിധി തേടുന്ന കോൺഗ്രസ് അധ്യക്ഷൻ രാഹുൽ ഗാന്ധിക്ക് അപരൻമാർ രണ്ട്. കെ.ഇ. രാഹുല് ഗാന്ധി, കെ.രാഘുല് ഗാന്ധി എന്നിവരാണ് നാമനിർദ്ദേശ പത്രിക സമർപ്പിച്ചത്.
കോട്ടയം എരുമേലി സ്വദേശിയാണ് കെ.ഇ രാഹുൽ ഗാന്ധി. സ്വതന്ത്ര സ്ഥാനാർഥിയായാണ് കെ.ഇ രാഹുൽ ഗാന്ധി മത്സരിക്കുന്നത്.
അതേസമയം, തമിഴ്നാട് സ്വദേശിയായ കെ. രാഘുൽ ഗാന്ധി അഖിലേന്ത്യ മക്കൾ കഴകം പാർട്ടിയുടെ സ്ഥാനാർഥിയായാണ് പത്രിക സമർപ്പിച്ചിരിക്കുന്നത്. കെ. ശിവപ്രസാദ് ഗാന്ധി എന്ന പേരിലുള്ള ഒരാളും രാഹുല് ഗാന്ധിയുടെ അപരനായിട്ടുണ്ട്.
ഇതിനിടെ, സരിത എസ്. നായരും വയനാട് ലോക്സഭാ മണ്ഡലത്തിൽ മത്സരിക്കുന്നതിനായി നാമനിർദേശ പത്രിക സമർപ്പിച്ചു. വയനാട്ടിൽ സ്വതന്ത്ര സ്ഥാനാർത്ഥിയായി മത്സരിക്കാനാണ് സരിത പത്രിക നൽകിയത്. ആകെ 23 സ്ഥാനാർഥികളാണ് വയനാട് ലോക് സഭാ മണ്ഡലത്തിൽ ജനവിധി തേടുന്നത്.
advertisement
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Apr 04, 2019 9:18 PM IST
