'യോഗ്യതയില്ലാത്ത 5910 പേരെ യുഡിഎഫ് സര്‍ക്കാര്‍ സ്ഥിരപ്പെടുത്തി'; പി​എ​സ്‌​സി നി​യ​മ​നം സു​താ​ര്യ​മെ​ന്ന് മു​ഖ്യ​മ​ന്ത്രി

തിരുവനന്തപുരം: നിയമന വിവാദങ്ങളില്‍ കണക്കുനിരത്തി മറുപടിയുമായി മുഖ്യമന്ത്രി പിണറായി വിജയന്‍. യോഗ്യതകളില്ലാത്ത 5910 പേരെയാണ് യുഡിഎഫ് സര്‍ക്കാർ സ്ഥിരപ്പെടുത്തിയതെന്ന് മുഖ്യമന്ത്രി വാര്‍ത്താസമ്മേളനത്തില്‍ പറഞ്ഞു. യുഡിഎഫിന്റെ തെറ്റായ നയങ്ങള്‍ തിരുത്തുകയാണ് എല്‍ഡിഎഫ് സര്‍ക്കാര്‍ ചെയ്‌തതെന്ന് മുഖ്യമന്ത്രി തിരിച്ചടിച്ചു. മുന്‍ സര്‍ക്കാര്‍ മാനദണ്ഡങ്ങള്‍ പാലിക്കാതെ ഇഷ്ടക്കാര്‍ക്ക് നിയമനം നല്‍കി. എന്നാല്‍, യോഗ്യതകള്‍ അടിസ്ഥാനമാക്കി മാത്രമാണ് എൽ ഡി എഫ് സര്‍ക്കാര്‍ സ്ഥിര നിയമനങ്ങള്‍ നടത്തിയതെന്നും മുഖ്യമന്ത്രി വ്യക്തമാക്കി.

പി. എസ്. സി നിയമനം സുതാര്യമായാണ് നടക്കുന്നതെന്ന് മുഖ്യമന്ത്രി പറഞ്ഞു. സം​സ്ഥാ​ന​ത്ത് നി​ല​വി​ലു​ള്ള രീ​തി അ​നു​സ​രി​ച്ച്‌ സാ​ധാ​ര​ണ വ​രു​ന്ന ഒ​ഴി​വി​ന്‍റെ അ​ഞ്ചി​ര​ട്ടി ക​ണ​ക്കാ​ക്കി​യാ​ണ് പി​എ​സ്‌​സി റാ​ങ്ക് ലി​സ്റ്റ് ത​യാ​റാ​ക്കു​ന്ന​ത്. ഇ​തു​വ​ഴി ലി​സ്റ്റി​ലു​ള്ള എ​ണ്‍​പ​ത് ശ​ത​മാ​നം പേ​ര്‍​ക്കും നി​യ​മ​നം കി​ട്ടാ​ത്ത സാ​ഹ​ച​ര്യം ഉ​ണ്ടാ​കു​മെ​ന്ന് മു​ഖ്യ​മ​ന്ത്രി വാ​ര്‍​ത്താ​സ​മ്മേ​ള​ന​ത്തി​ല്‍ പ​റ​ഞ്ഞു. ഒ​ഴി​വു​ക​ള്‍ കൃ​ത്യ​മാ​യി റി​പ്പോ​ര്‍​ട്ട് ചെ​യ്യു​ക എ​ന്ന് മാ​ത്ര​മാ​ണ് ഇ​ക്കാ​ര്യ​ത്തി​ല്‍ സ​ര്‍​ക്കാ​രി​ന് ചെ​യ്യാ​നു​ള്ള​ത്. ഒ​ഴി​വു​ക​ള്‍ റി​പ്പോ​ര്‍​ട്ട് ചെ​യ്യു​ന്ന​തി​ല്‍ വീ​ഴ്ച വ​രു​ത്തു​ന്നു​ണ്ടോ എ​ന്ന് പ​രി​ശോ​ധി​ക്കാ​ന്‍ ചീ​ഫ് സെ​ക്ര​ട്ട​റി​യും ഉ​ദ്യോ​ഗ​സ്ഥ ഭ​ര​ണ പ​രി​ഷ്കാ​ര വ​കു​പ്പ് അ​ഡീ​ഷ​ണ​ല്‍ ചീ​ഫ് സെ​ക്ര​ട്ട​റി​യും അ​ട​ങ്ങു​ന്ന സ​മി​തി​യെ നി​യോ​ഗി​ക്കു​മെ​ന്നും മു​ഖ്യ​മ​ന്ത്രി പ​റ​ഞ്ഞു.

താ​ല്‍​കാ​ലി​ക നി​യ​മ​നം ന​ട​ത്തു​ന്ന​ത് വ​ഴി പി​ എ​സ്‌ ​സി ലി​സ്റ്റി​ലു​ള്ള​വ​രു​ടെ അ​വ​സ​രം ഇ​ല്ലാ​താ​കു​മെ​ന്ന പ്ര​ചാ​ര​ണം ശ​രി​യ​ല്ല. പ​ത്ത് വ​ര്‍​ഷ​ത്തോ​ള​മാ​യി താ​ല്‍​കാ​ലി​ക ത​സ്തി​ക​യി​ല്‍ ജോ​ലി ചെ​യ്യു​ന്ന​വ​ര്‍​ക്കാ​ണ് നി​യ​മ​ന അം​ഗീ​കാ​രം ന​ല്‍​കു​ന്ന​ത്. പ​ത്ത് വ​ര്‍​ഷം എ​ന്ന് പ​റ​യു​മ്പോ​ള്‍ ത​ന്നെ ഇ​ക്കാ​ര്യ​ത്തി​ല്‍ രാ​ഷ്ട്രീ​യ പ​രി​ഗ​ണ​ന ഇ​ഇല്ല എന്നും മു​ഖ്യ​മ​ന്ത്രി പ​റ​ഞ്ഞു. 20 വ​ര്‍​ഷ​മാ​യി താ​ല്‍​കാ​ലി​ക ജോ​ലി ചെ​യ്യു​ന്ന​വ​ര്‍ പോ​ലും പ​ട്ടി​ക​യി​ലു​ണ്ടെ​ന്നും മു​ഖ്യ​മ​ന്ത്രി പ​റ​ഞ്ഞു.

ഫെ​ബ്രു​വ​രി​യി​ല്‍ അ​വ​സാ​നി​ക്കു​ന്ന പി ​എ​സ്‌​ സി ലി​സ്റ്റു​ക​ളു​ടെ എ​ല്ലാം കാ​ലാ​വ​ധി ആ​റ് മാ​സ​ത്തേ​ക്ക് കൂ​ടി നീ​ട്ടി. ഏ​പ്രി​ല്‍, മേ​യ് മാ​സ​ങ്ങ​ളി​ല്‍ വ​രു​ന്ന ഒ​ഴി​വു​ക​ളി​ല്‍ കൂ​ടി അ​വ​സ​രം ല​ഭി​ക്കും. 47,000 ത​സ്തി​ക​ക​ള്‍ സ​ര്‍​ക്കാ​ര്‍ സൃ​ഷ്ടി​ച്ചു. ഇ​ട​തു സ​ര്‍​ക്കാ​ര്‍ അ​ധി​കാ​ര​ത്തി​ല്‍ എ​ത്തി​യ ശേ​ഷം മാ​ത്രം 1,57,911 പേ​ര്‍​ക്ക് നി​യ​മ​നം ന​ല്‍​കി. 4012 റാ​ങ്ക് ലി​സ്റ്റു​ക​ള്‍ പ്ര​സി​ദ്ധീ​ക​രി​ച്ചു. ക​ഴി​ഞ്ഞ സ​ര്‍​ക്കാ​രി​ന്‍റെ കാ​ല​ത് 3113 മാ​ത്രം ആ​ണെ​ന്നും മു​ഖ്യ​മ​ന്ത്രി കൂ​ട്ടി​ച്ചേ​ര്‍​ത്തു.

Also Read- 'മണ്ണെണ്ണക്കുപ്പിയുമായി യൂത്ത് കോൺഗ്രസുകാരെ സമരഭൂമിയിലേക്ക് നിയോഗിക്കുന്നത് ചെന്നിത്തലയും സംഘവും' - തോമസ് ഐസക്ക്

റാങ്ക് ലിസ്റ്റുകളുടെ കാലാവധി നീട്ടാന്‍ ഉദ്യോഗാര്‍ത്ഥികള്‍ സെക്രട്ടേറിയറ്റിനു മുന്നില്‍ നടത്തിയ പ്രതിഷേധത്തില്‍ ആത്മഹത്യാശ്രമം നടത്തിയത് റാങ്ക് ലിസ്റ്റില്‍ ഉള്‍പ്പെട്ടിട്ടില്ലാത്തയാളാണെന്ന് മുഖ്യമന്ത്രി പറഞ്ഞു. പാലക്കാട് പെരുവമ്ബ് സ്വദേശി റിജുവാണ് ദേഹത്ത് മണ്ണെണ്ണയൊഴിച്ച്‌ ആത്മഹത്യാഭീഷണി മുഴക്കിയത്. റിജു യൂത്ത് കോണ്‍ഗ്രസ് പ്രവര്‍ത്തകനാണെന്നും സമരക്കാര്‍ക്കിടയില്‍ നുഴഞ്ഞുകയറി പ്രശ്‌നങ്ങള്‍ സൃഷ്ടിക്കുകയായിരുന്നു എന്നും ഇടതുമുന്നണി ഇതിനോടകം ആരോപണം ഉന്നയിച്ചിരുന്നു.

വ്യാപകമായി പിന്‍വാതില്‍ നിയമനം നടത്തുന്നുവെന്നും റാങ്ക് പട്ടികകളുടെ കാലാവധി നീട്ടണമെന്നും ആവശ്യപ്പെട്ട് സെക്രട്ടേറിയറ്റിനു മുന്നിൽ നിരവധി പ്രതിഷേധ സമരങ്ങളാണ് കഴിഞ്ഞ ദിവസങ്ങളില്‍ നടന്നത്. സിവില്‍ പൊലീസ് ഓഫീസര്‍ റാങ്ക് ലിസ്റ്റിന്റെ കാലാവധി നീട്ടണമെന്നാവശ്യപ്പെട്ട് സെക്രട്ടേറിയറ്റിനു മുന്നില്‍ ഉദ്യോഗാര്‍ത്ഥികള്‍ നടത്തിയ സമരത്തിനിടെ സെക്രട്ടേറിയറ്റിനു സമീപമുള്ള മൂന്നു നില കെട്ടിടത്തിനു മുകളില്‍ കയറി ഉദ്യോഗാര്‍ത്ഥികള്‍ ആത്മഹത്യാ ഭീഷണി മുഴക്കിയിരുന്നു. പൊലീസ്-ഫയര്‍ഫോഴ്‌സ് ഉദ്യോഗസ്ഥര്‍ ഉദ്യോഗാര്‍ത്ഥികളെ പിന്തിരിപ്പിക്കുകയായിരുന്നു.