പ്രതിപക്ഷ എംഎൽഎമാരുടെ സത്യാഗ്രഹം നാലാംദിനവും തുടരുന്നു

തിരുവനന്തപുരം: ശബരിമല നിരോധനാജ്ഞ പിൻവലിക്കണമെന്ന് ആവശ്യപ്പെട്ട് യു ഡി എഫിലെ മൂന്ന് എം എൽ എമാർ നിയമസഭാ കവാടത്തിൽ നടത്തുന്ന സത്യാഗ്രഹം നാലാം ദിവസവും തുടരുന്നു. മുൻ മന്ത്രി വി എസ് ശിവകുമാർ, പാറയ്ക്കൽ അബ്ദുളള, എൻ ജയരാജ് എന്നിവരാണ് സത്യഗ്രഹം നടത്തുന്നത്. മന്ത്രി എ.സി. മൊയ്തീൻ അടക്കമുള്ളവർ സത്യഗ്രഹം നടത്തുന്നവരെ സന്ദർശിച്ചു.