Unlock 1.0 Kerala | സംസ്ഥാനത്ത് ഹോട്ടലുകളും മാളുകളും ആരാധനാലയങ്ങളും നാളെ തുറക്കും

തിരുവനന്തപുരം: സംസ്ഥാനത്തെ ഹോട്ടലുകളും മാളുകളും ആരാധനാലയങ്ങളും ചൊവ്വാഴ്ച തുറക്കും. ഇന്ന് ഇവിടങ്ങളിലെല്ലാം ശുചീകരണം നടത്തി അണുവിമുക്തമാക്കാൻ സർക്കാർ നിർദേശം നൽകിയിട്ടുണ്ട്. അതേസമയം കണ്ടെയ്ന്‍മെന്റ് മേഖലകളില്‍ ആരാധനാലയങ്ങള്‍ ഉള്‍പ്പെടെ തുറക്കാന്‍ പാടില്ലെന്നാണ് സർക്കാർ നിർദേശം. തിരുവിതാംകൂര്‍ ദേവസ്വം ബോര്‍ഡിനു കീഴിലുള്ള ക്ഷേത്രങ്ങളില്‍ നാളെ മുതൽ ദർശനം അനുവദിക്കുമെങ്കിലും കേരള ക്ഷേത്രസംരക്ഷണസമിതിയുടെ കീഴിലുള്ള ക്ഷേത്രങ്ങൾ തൽക്കാലം തുറക്കേണ്ടതില്ലെന്നാണ് തീരുമാനം. തിരുവിതാംകൂർ ദേവസ്വംബോർഡിന് കീഴിലുള്ള ക്ഷേത്രങ്ങളിൽ ശുചീകരണം ഇന്നത്തോടെ പൂർത്തിയാക്കി നാളെ മുതൽ കർശന നിയന്ത്രണങ്ങളോടെ ദർശനം അനുവദിക്കും.