Vande Bharat | വന്ദേഭാരതിന് ചെങ്ങന്നൂരിൽ സ്റ്റോപ്പ്; ആവശ്യം അംഗീകരിച്ചതിന് അശ്വനി വൈഷ്ണവിന് നന്ദി; വി. മുരളീധരൻ

കാസർഗോഡ് – തിരുവനന്തപുരം വന്ദേഭാരത് എക്സ്പ്രസിന് (Vande Bharat Express) ചെങ്ങന്നൂരിൽ സ്റ്റോപ്പ് അനുവദിച്ചു കൊണ്ടുള്ള റയിൽവേ മന്ത്രാലയത്തിൻ്റെ ഉത്തരവ് പുറത്തിറങ്ങി. കേന്ദ്രമന്ത്രി വി. മുരളീധരൻ്റെ ഇടപെടലിനെ തുടർന്നാണ് നടപടി. ആവശ്യം അനുഭാവപൂർവം പരിഗണിച്ചതിന് റയിൽവേ മന്ത്രി ശ്രീ. അശ്വനി വൈഷ്ണവിന് നന്ദി അറിയിക്കുന്നതായി വി. മുരളീധരൻ പ്രതികരിച്ചു. ആലപ്പുഴ ബി.ജെ.പി. ജില്ലാ ഘടകം മുന്നോട്ട് വെച്ച നിർദേശം വിദേശകാര്യ സഹമന്ത്രി, കേന്ദ്രറെയിൽവേ മന്ത്രിയുടെ ശ്രദ്ധയിൽപ്പെടുത്തിയിരുന്നു. ചെങ്ങന്നൂരിൽ സ്റ്റോപ്പ് അനുവദിച്ചാൽ ശബരിമല തീർഥാടകർക്ക് സഹായകരമാകുമെന്ന നിർദേശവും മന്ത്രി മുന്നോട്ട് വച്ചിരുന്നു.