ശാസ്ത്രീയ പഠനങ്ങളെ ചില സൗകര്യങ്ങളുടെ പേരില് നാം അവഗണിക്കുകയായിരുന്നു: ഗാഡ്ഗിലിനെ വീണ്ടും പിന്തുണച്ച് വി.എസ്.
Last Updated:
V.S. Achuthanandan comes in support of Madhav Gadgil in a Facebook post | 'ശാസ്ത്രീയ നിര്ദ്ദേശങ്ങള്ക്ക് വിരുദ്ധമായതും പരിസ്ഥിതിയെ ദോഷകരമായി ബാധിക്കുന്നതുമായ എല്ലാ നടപടികളും കര്ശനമായി വിലക്കപ്പെടുകതന്നെ വേണം'
ഭൂമാഫിയകൾക്കെതിരെയുള്ള പടപൊരുതലിൽ മുൻനിരയിൽ ആയിരുന്നു വി.എസ്.അച്യുതാനന്ദൻ. പ്രളയം ഒരു വർഷത്തിന്റെ ഇടവേളയിൽ വീണ്ടും കേരളത്തിൽ ദുരന്തം വിതച്ചപ്പോൾ മാധവ് ഗാഡ്ഗിലിനെ പോലുള്ള വിദഗ്ധർ നൽകിയ മുന്നറിയിപ്പ് കണക്കിൽ എടുക്കാത്തതിലെ പോരായ്മകൾ ചൂണ്ടിക്കാട്ടി വി.എസ്. രംഗത്ത്. പുതിയ ഫേസ്ബുക് പോസ്റ്റിലാണ് വി.എസ്. ഇതേപ്പറ്റി തുറന്നു പറയുന്നത്.
കാലാവസ്ഥയില് വലിയ മാറ്റങ്ങളാണ് അനുഭവപ്പെടുന്നത്. ഇതേക്കുറിച്ചെല്ലാം ശാസ്ത്രീയമായ പഠനങ്ങളും നടന്നിട്ടുണ്ട്. പക്ഷെ, ശാസ്ത്രീയ പഠനങ്ങളെ ചില സൗകര്യങ്ങളുടെ പേരില് നാം അവഗണിക്കുകയായിരുന്നു. അതിവര്ഷവും വരള്ച്ചയും തുടര്ച്ചയായി അനുഭവിക്കേണ്ടിവരുന്ന കേരളത്തിന്, ഓരോ വര്ഷവും ദുരന്തങ്ങളെക്കൂടി അഭിമുഖീകരിക്കേണ്ടിവരുന്ന സാഹചര്യമാണ് വന്നുചേര്ന്നിട്ടുള്ളത്.
'കക്കാടംപൊയില് പത്തിടത്താണ് ഉരുള്പൊട്ടിയത്; കൂടെ കരഞ്ഞ് അയാളെ നന്മമരം ആകാന് സഹായിക്കുന്ന മലയാളികളെ എന്ത് വിളിക്കണം?'
ഈ ദുരന്തങ്ങളുടെ യഥാര്ത്ഥ കാരണം ഈ മേഖലയില് വൈദഗ്ധ്യമുള്ളവര് പറഞ്ഞു തന്നിട്ടുണ്ട്. മാധവ് ഗാഡ്ഗിലിനെപ്പോലുള്ള വിദഗ്ധരുടെ പഠന റിപ്പോര്ട്ടുകള് നമ്മുടെ മുമ്പിലുണ്ട്. വയല് നികത്തലും കുന്നിടിക്കലും അനിയന്ത്രിതമായ പാറ ഖനനവും കുന്നിന്മുകളിലെ തടയണ നിര്മ്മാണവുമെല്ലാം ദുരന്ത കാരണമാണെന്ന് ഇന്ന് കേരളത്തിലെ ഏത് കൊച്ചു കുട്ടിക്കും അറിയാം. ഇനിയും അതിന്റെ പ്രാധാന്യം വേണ്ടത്ര മനസ്സിലാക്കാത്തത് ജനപ്രതിനിധികളാണെന്നാണ് ഇതപര്യന്തമുള്ള പ്രതികരണങ്ങളില്നിന്ന് ജനങ്ങള് വായിച്ചെടുക്കുന്നത്.
advertisement
നെല്വയല് നീര്ത്തട സംരക്ഷണ നിയമത്തില് ഇളവുകള് വരുത്തുന്നതും, പാറ ഖനനത്തിന് യഥേഷ്ടം അനുമതി നല്കുന്നതും അനധികൃത നിര്മ്മാണങ്ങള് സാധൂകരിക്കുന്നതുമെല്ലാം ജനങ്ങള് തെരഞ്ഞെടുത്ത സര്ക്കാരുകളാവുമ്പോള് ജനങ്ങള് നിസ്സഹായരായിപ്പോവുകയാണ്. ഇപ്പോള് ഉരുള്പൊട്ടലുണ്ടായ മേഖലകളില് ക്വാറികള്ക്ക് അനുമതി നിഷേധിക്കും എന്ന പ്രഖ്യാപനം ആശ്വാസകരമാണ്. പക്ഷെ, അനുമതി നല്കിയതുകൊണ്ടാണ് അവിടെ പാറമടകളുണ്ടായതും അതെല്ലാം ദുരന്തകാരണമായതും എന്ന വസ്തുത മറന്നുകൂട.
അതിനാല്, ശാസ്ത്രീയ നിര്ദ്ദേശങ്ങള്ക്ക് വിരുദ്ധമായതും പരിസ്ഥിതിയെ ദോഷകരമായി ബാധിക്കുന്നതുമായ എല്ലാ നടപടികളും കര്ശനമായി വിലക്കപ്പെടുകതന്നെ വേണം. പാറമടകള് ജനവാസ മേഖലയില്നിന്നും ഇരുനൂറ് മീറ്ററെങ്കിലും ദുരം പാലിക്കണം എന്നും, പാരിസ്ഥിതിക ദുര്ബ്ബല പ്രദേശങ്ങളില് നിര്മ്മാണ പ്രവര്ത്തനങ്ങള്ക്ക് കര്ശനമായ വിലക്ക് ഏര്പ്പെടുത്തണമെന്നും, കുന്നിന് മുകളിലെ തടയണകളും ഇതര നിര്മ്മിതികളും പൊളിച്ചുമാറ്റണമെന്നുമെല്ലാം തീരുമാനിക്കാന് ഇനിയുമൊരു പ്രളയം വരെ കാത്തിരിക്കേണ്ടതില്ല. കഴിഞ്ഞ പ്രളയത്തില് വീടുകളാണ് ഒലിച്ചു പോയതെങ്കില്, ഇത്തവണ ഗ്രാമങ്ങള്തന്നെ ഒലിച്ചുപോയി.
advertisement
മാധവ് ഗാഡ്ഗില് റിപ്പോര്ട്ട് നടപ്പാക്കണമെന്ന ജനകീയ ആവശ്യം ഉയര്ന്നുകഴിഞ്ഞു. കേരളത്തെ കേരളമാക്കി നിലനിര്ത്തിപ്പോന്ന പശ്ചിമഘട്ട മലനിരകളില് നടന്നുകൊണ്ടിരിക്കുന്ന കടന്നാക്രമണം അവസാനിപ്പിക്കാന് അടിയന്തരമായ ഇടപെടലുകളുണ്ടായില്ലെങ്കില് വരാനിരിക്കുന്ന ദുരന്തങ്ങള്ക്ക് നാം തന്നെയായിരിക്കും ഉത്തരവാദികള്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Aug 15, 2019 3:08 PM IST
മലയാളം വാർത്തകൾ/ വാർത്ത/Kerala/
ശാസ്ത്രീയ പഠനങ്ങളെ ചില സൗകര്യങ്ങളുടെ പേരില് നാം അവഗണിക്കുകയായിരുന്നു: ഗാഡ്ഗിലിനെ വീണ്ടും പിന്തുണച്ച് വി.എസ്.
