'ലൈഫി'ൽ വീടുണ്ടെന്നറിഞ്ഞ് പഴയ വീട് പൊളിച്ചപ്പോൾ ആളു മാറി; പരാതിയുമായി എത്തിയ വീട്ടമ്മയെ ഓഫീസിൽ പൂട്ടിയിട്ടു

കാസർഗോഡ്: ലൈഫ് മിഷൻ പദ്ധതിയിൽ അനുവദിച്ച വീടില്ലെന്നറിഞ്ഞ് പഞ്ചായത്ത് ഓഫീസിൽ എത്തിയ അപേക്ഷകയെ പൂട്ടിയിട്ടെന്ന പരാതിയില്‍ പൊലീസ് കേസെടുത്തു. അടുക്കത്ത് ബയൽ കോട്ടവളപ്പിൽ സാവിത്രിയെ കാസർഗോഡ് മൊഗ്രാൽപുത്തൂർ ഗ്രാമപഞ്ചായത്ത് ഓഫീസിൽ വിഇഒ എം അബ്ദുൽ നാസർ ഓഫീസ് മുറിയിലിട്ട് പൂട്ടി പുറത്തു പോയെന്നാണ് പരാതി. തുടർന്ന് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ പ്രമീള മജലും മറ്റ് അംഗങ്ങളും ബഹളം വച്ചതോടെയാണ് തുറന്നുവിട്ടത്.