മുഖ്യമന്ത്രിയെ ജാതി പറഞ്ഞ് അധിക്ഷേപിച്ച വീട്ടമ്മയെ അറസ്റ്റ് ചെയ്തു
Last Updated:
പത്തനംതിട്ട: ശബരിമലയിൽ സ്ത്രീ പ്രവേശനവിധിക്കെതിരെ നടന്ന ആദ്യഘട്ട സമരങ്ങൾക്കിടെ മുഖ്യമന്ത്രി പിണറായി വിജയനെ ജാതിപ്പേരു പറഞ്ഞ് അധിക്ഷേപിച്ച സംഭവത്തിൽ പത്തനംതിട്ട ചെറുകോൽ സ്വദേശിയായ വീട്ടമ്മയെ അറസ്റ്റ് ചെയ്തു. പത്തനംതിട്ട ചെറുകോല് പഞ്ചായത്ത് വടക്കേ പാരൂര് വീട്ടില് മണിയമ്മയെയാണ് അറസ്റ്റ് ചെയ്തത്. ആറന്മുള പൊലീസാണ് ഇവരെ അറസ്റ്റ് ചെയ്തത്. ഇവരെ പിന്നീട് ജാമ്യത്തില് വിട്ടയച്ചു.
എസ്എന്ഡിപി യോഗം ഭാരവാഹിയായ വി. സുനിൽകുമാർ നൽകിയ പരാതിയില് ഇവര്ക്കെതിരെ നേരത്തേ കേസെടുത്തിരുന്നു. സംഭവത്തിന്റെ വിഡിയോ സമൂഹമാധ്യമങ്ങളിൽ വൈറലായിരുന്നു. സുപ്രീംകോടതി വിധിക്കെതിരെ പുനഃപരിശോധനാ ഹര്ജി നല്കില്ലെന്നും വിധി നടപ്പാക്കുമെന്നും പറഞ്ഞതിന്റെ രോഷത്തിലാണ് വീട്ടമ്മ മുഖ്യമന്ത്രിയെ ജാതിപറഞ്ഞ് അധിക്ഷേപിച്ചത്.
മുഖ്യമന്ത്രിക്കെതിരായ അധിക്ഷേപത്തിനെതിരെ വ്യാപക പ്രതിഷേധം ഉയർന്നിരുന്നു. പ്രതിഷേധം ശക്തമായപ്പോള് ഇവർ മാപ്പുപറഞ്ഞു രംഗത്തെത്തിയിരുന്നു.
advertisement
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Oct 26, 2018 11:05 PM IST
