മകന്റെ നൂലുകെട്ടിന് ഡയപ്പർ വാങ്ങാൻ പോകുന്നതിനിടെ ബൈക്ക് അപകടത്തിൽ യുവാവും ഭാര്യാസഹോദരിയും മരിച്ചു
- Published by:Sneha Reghu
- news18-malayalam
Last Updated:
ഗുരുതരമായി പരുക്കേറ്റ ഇരുവരും സംഭവ സ്ഥലത്ത് വച്ചു തന്നെ മരിച്ചു
കൊച്ചി: കുഞ്ഞിന്റെ നൂലുകെട്ട് ചടങ്ങ് ദിനത്തിൽ ഡയപ്പർ വാങ്ങാൻ പോകുന്നതിനിടയിലുണ്ടായ അപകടത്തിൽ യുവാവും ഭാര്യാ സഹോദരിയും മരിച്ചു. കാസർകോട് തൃക്കരിപ്പൂർ സ്വദേശി സൂഫിയാൻ, കടവന്ത്ര സ്വദേശി മീനാക്ഷി (21) എന്നിവരാണ് മരിച്ചത്. കൊച്ചി തോവര ലൂർദ് പള്ളിക്ക് സമീപം ഞായറാഴ്ച പുലർച്ചെ 12.30-നായിരുന്നു അപകടം.
സൂഫിയാന്റെ കുഞ്ഞിനു വേണ്ടി ഡയപ്പർ വാങ്ങാനായാണ് ഇരുവരും ഇറങ്ങിയത്. ഇരുവരും സഞ്ചരിച്ച ബൈക്ക് തൂണിൽ ഇടിച്ച് റോഡിലേക്ക് വീഴുകയായിരുന്നു. ഗുരുതരമായി പരുക്കേറ്റ ഇരുവരും സംഭവ സ്ഥലത്ത് വച്ചു തന്നെ മരിച്ചു. ഇടിച്ച ബൈക്ക് സമീപത്ത് പാർക്ക് ചെയ്തിരുന്ന വാഹനങ്ങളിലേക്കായിരുന്നു വീണത്.
ബൈക്ക് സൂഫിയാന്റെ സുഹൃത്തിന്റെതായിരുന്നു. ആഷിഖാണ് സൂഫിയാന്റെ പിതാവ്. ഭാര്യ: മാളവിക. മീനാക്ഷിയുടെ അച്ഛൻ രാജു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kochi,Ernakulam,Kerala
First Published :
Sep 30, 2024 8:16 AM IST
മലയാളം വാർത്തകൾ/ വാർത്ത/Kerala/
മകന്റെ നൂലുകെട്ടിന് ഡയപ്പർ വാങ്ങാൻ പോകുന്നതിനിടെ ബൈക്ക് അപകടത്തിൽ യുവാവും ഭാര്യാസഹോദരിയും മരിച്ചു
