Exalogic 'SFIO അന്വേഷണം നടക്കുന്നത് നല്ലത്'; തടയാൻ ശ്രമിക്കുന്നതെന്തിന്?' ഹൈക്കോടതി

കൊച്ചി: മാസപ്പടി കേസിൽ എസ്എഫ്ഐഒ നടത്തുന്ന അന്വേഷണം നല്ലതാണെന്ന് ഹൈക്കോടതി. ഈ ഘട്ടത്തിൽ സത്യം പുറത്തുവരുന്നതല്ലേ നല്ലത്. എന്തിനാണ് അന്വേഷണം തടയാൻ ശ്രമിക്കുന്നതെന്നും കെഎസ്ഐഡിസിയോട് ഹൈക്കോടതി ആരാഞ്ഞു. കേസിൽ കൂടുതൽ അന്വേഷണം ആവശ്യമുണ്ടെന്ന് എസ്എഫ്ഐഒ ഹൈക്കോടതിയിൽ ആവശ്യപ്പെടുകയും ചെയ്തു. രേഖകളിൽ വിശദമായ പരിശോധന നടത്തേണ്ടതുണ്ട്. അന്വേഷണത്തെ എതിർത്ത കെഎസ്ഐഡിസി നിലപാടിനെ കോടതി വിമർശിച്ചു. എക്സാലോജിക് കരാറിൽ സിഎംആർഎല്ലിനോട് വിശദീകരണം തേടിയതിന്റെ പകർപ്പ് ഹാജരാക്കാൻ കെഎസ്ഐഡിസിയോട് കോടതി ആവശ്യപ്പെടുകയും ചെയ്തു.