ശബരിമല മേൽശാന്തി നറുക്കെടുപ്പ്; ഹൈക്കോടതി ഫയലിൽ സ്വീകരിച്ചു; സ്പെഷൽ കമ്മീഷണർക്കും തിരുവിതാകൂർ ദേവസ്വത്തിനും നോട്ടീസ്

കൊച്ചി: ശബരിമല മേല്‍ശാന്തി തെരഞ്ഞെടുപ്പ് ചോദ്യം ചെയ്തുകൊണ്ടുള്ള ഹര്‍ജി ഹൈക്കോടതി ഫയലിൽ സ്വീകരിച്ചു. തുടർന്ന് സ്പെഷ്ൽ കമ്മീഷണർക്കും തിരുവിതാകൂർ ദേവസ്വത്തിനും ഉൾപ്പടെ നോട്ടീസ് അയക്കാൻ ഉത്തരവിട്ടു. ഹർജിക്കാരുടെ അഭിഭാഷകന് ഉടൻ സിസിടിവി ദൃശ്യങ്ങളുടെ പകർപ്പ് ലഭ്യമാക്കണമെന്നും കോടതി നിർദേശിച്ചു. കേസ് ചൊവാഴ്ച്ച പരിഗണിക്കും. അതേസമയം ശബരിമല മേൽശാന്തിയായി തെരഞ്ഞെടുക്കപ്പെട്ട അഞ്ചാം എതിർകക്ഷിക്ക് എതിരെ ഹർജിയിൽ വ്യക്തിപരമായ ആക്ഷേപങ്ങൾ ഇല്ല എന്ന് കോടതി നിരീക്ഷിച്ചു.