നഗരത്തിന്‍റെ മലം ചുമന്നവരുടെ തലമുറയെ തെരുവിലേക്കിറക്കാനൊരുങ്ങി കോര്‍പറേഷന്‍; അന്തിയുറങ്ങുന്ന കൂര നഷ്ടമാകുന്നത് തമിഴ് കുടുംബങ്ങള്‍ക്ക്

കോഴിക്കോട്: അരനൂറ്റാണ്ട് മുമ്പ് തോട്ടിപ്പണിക്കായി കോഴിക്കോട് എത്തിയ തമിഴ് കുടുംബങ്ങളിലെ പിന്‍തലമുറക്കാരുടെ അവശേഷിക്കുന്ന കിടപ്പാടവും നഷ്ടമാകുന്നു. കോഴിക്കോട് സ്റ്റേഡിയം ജംങ്ഷന് സമീപമുള്ള സത്രം കോളനിയില്‍ കഴിയുന്ന 32 കുടുംബങ്ങളെ കുടിയൊഴിപ്പിക്കാന്‍ കോര്‍പറേഷന്‍ നോട്ടീസ് നല്‍കി. അന്തിയുറങ്ങാനൊരു കൂരയെങ്കിലുമില്ലാതെ എങ്ങോട്ടു പോകുന്നമെന്ന് കോളനിയിലെ കുടുംബങ്ങള്‍ ചോദിക്കുന്നു. 'മലയാളികളുടെ മലം ചുമക്കാനെത്തിയവരാണ് ഞങ്ങള്‍'. അച്ഛനും അമ്മയുമെല്ലാം ആ ജോലി ചെയ്തിരുന്നത് ഇപ്പോഴും ഓര്‍മ്മയിലുണ്ടെന്ന് സത്രം കോളനിയിലെ മുരുകന്‍ പറയുന്നു.