മഹാലക്ഷ്മിയേയും കുബേരനേയും ആരാധിക്കാന്‍ ഒരുദിനം; എന്താണ് ധന്‍തേരസ്?

പാലാഴിമഥന സമയത്ത് അമൃത കുംഭവുമായാണ് ആയുര്‍വേദത്തിന്റെ അധിപനായ ധന്വന്തരി ഭഗവാന്‍ ഉയര്‍ന്നുവന്നത്. അതുകൊണ്ട് ആയുരാരോഗ്യ സൗഖ്യവും സന്തോഷവും ലഭിക്കാന്‍ ധന്വന്തരിയെ ഈ ദിനം ആരാധിക്കണമെന്നും ഐതീഹ്യങ്ങളില്‍ പറയുന്നു.

സ്വര്‍ണ്ണം, വെള്ളി, പുതിയ പാത്രങ്ങള്‍ എന്നിവയെല്ലാം വീട്ടിലേക്ക് വാങ്ങാന്‍ അനിയോജ്യമായ സമയമാണിത്. ഇതിലൂടെയെല്ലാം വീടിന് ഐശ്വര്യവും സമൃദ്ധിയുമുണ്ടാകുമെന്നാണ് വിശ്വാസം. വീടും പരിസരവും വൃത്തിയാക്കിയ ശേഷം ദീപങ്ങള്‍ തെളിയിച്ച് ലക്ഷ്മിദേവിയെ വീട്ടിലേക്ക് സ്വീകരിക്കുന്ന ദിനം കൂടിയാണിത്.

ധന്‍തേരസ് ഉത്സവത്തില്‍ ആരാധിക്കപ്പെടുന്ന മറ്റൊരു ദേവനാണ് കുബേരന്‍. സമ്പത്തിന്റെ അധിപനാണ് കുബേരന്‍ എന്നാണ് വിശ്വാസം. സ്വര്‍ണ്ണം,വെള്ളി എന്നിവ വാങ്ങി കുബേരനെ ആരാധിക്കാന്‍ വിശ്വാസികള്‍ ഈ ദിനം പ്രയോജനപ്പെടുത്തുന്നു. ആത്മീയ നേട്ടത്തിനും സമ്പത്തിനും വേണ്ടി മഹാലക്ഷ്മിയോടൊപ്പം വിശ്വാസികള്‍ കുബേരനേയും ആരാധിക്കുന്നു.

വര്‍ഷം മുഴുവന്‍ സാമ്പത്തിക നേട്ടമുണ്ടാകാന്‍ വീടുകള്‍ തോറും വിളക്കുകള്‍ തെളിയിച്ചും പൂക്കളും മധുരപലഹാരങ്ങളും നിവേദിച്ചും വിശ്വാസികള്‍ കുബേരനെ പ്രീതിപ്പെടുത്തുന്നു. ധന്‍തേരസ് ദിനത്തില്‍ പുതിയ വസ്തുക്കള്‍ വീട്ടിലേക്ക് വാങ്ങുന്നവര്‍ക്ക് ഭാവിയില്‍ സാമ്പത്തിക നേട്ടമുണ്ടാകുമെന്ന തത്വത്തിലധിഷ്ടിതമാണ് ഈ ആഘോഷങ്ങള്‍.