ആർത്തവ വേദന കുറയ്ക്കാൻ 11 ദിവസം ഗർഭനിരോധന ഗുളിക കഴിച്ച 16 കാരി തലച്ചോറിൽ രക്തം കട്ടപിടിച്ച് മരിച്ചു

ആർത്തവ വേദന കുറയ്ക്കാൻ വേദനസംഹാരികൾ അടക്കം ഇന്ന് പലരും കഴിക്കുന്നത് ഡോക്ടർമാരുടെ നിർദ്ദേശം കൂടാതെയാണ്. വേദന കുറയ്ക്കാൻ നാം സ്വീകരിക്കുന്ന മാർഗ്ഗങ്ങൾ എത്രത്തോളം അപകടകരമാണെന്ന് ചൂണ്ടിക്കാണിക്കുന്ന റിപ്പോർട്ടാണ് ഇപ്പോൾ പുറത്തുവന്നിരിക്കുന്നത്. ആർത്തവ വേദന കുറയ്ക്കാൻ പതിനൊന്നു ദിവസം തുടർച്ചയായി ഗർഭനിരോധന ഗുളിക കഴിച്ച 16 കാരി മരിച്ചു എന്നതാണ് വാർത്ത. യുകെയിലെ ഇമ്മിംഗ്ഹാമിൽ ആണ് സംഭവം. കോളേജ് വിദ്യാർത്ഥിയായ ലൈല ഖാൻ എന്ന പെൺകുട്ടി സുഹൃത്തുക്കളുടെ നിർദ്ദേശപ്രകാരമാണ് ആർത്തവ വേദനയ്ക്ക് ഗർഭനിരോധന ഗുളിക കഴിച്ചത്. തുടർന്ന് തലച്ചോറിൽ രക്തം കട്ടപിടിച്ച് ദിവസങ്ങൾക്കുള്ളിൽ പെൺകുട്ടി മരിക്കുകയായിരുന്നു.