Apple Health Benefits | ഒരു ദിവസം എത്ര ആപ്പിൾ കഴിക്കാം? ആപ്പിൾ കഴിക്കുന്നത് കൊണ്ടുള്ള ഗുണങ്ങളും ദോഷങ്ങളും

ആപ്പിളിന്റെ തൊലി നാരുകളാൽ സമ്പുഷ്ടമാണ്. ധാരാളം ഫൈബർ അടങ്ങിയിട്ടുള്ളതിനാൽ തന്നെ ഇവ മലബന്ധത്തിന് മികച്ച ഒരു ആശ്വാസമാണ്. നാരുകൾ അടങ്ങിയതിനാൽ ആപ്പിൾ തൊലിയോട് കൂടി കഴിക്കുന്നതാണ് നല്ലത്. എന്നാൽ തൊലി കളഞ്ഞ് കഴിച്ചാലും ആരോഗ്യപരമായ പല ഗുണങ്ങളും നമുക്ക് ലഭിക്കുമെന്നാണ് വിദഗ്ധർ പറയുന്നത്. കഴിക്കുന്നതിനുമുമ്പ് ആപ്പിൾ വൃത്തിയായി കഴിക്കാൻ ശ്രദ്ധിക്കണം. കുറഞ്ഞത് അരമണിക്കൂറെങ്കിലും ആപ്പിൾ ഇളം ചൂടുവെള്ളത്തിലിട്ടുവെക്കണം

ആപ്പിൾ കഴിക്കുന്നത് ശരീരത്തിന് വളരെ അധികം ഗുണമേ ചെയ്യൂ. എങ്കിലും രാത്രിയിൽ ആപ്പിൾ കഴിക്കാൻ പാടില്ല എന്നാണ് വിദഗ്ദർ അഭിപ്രായപ്പെടുന്നത്. ആപ്പിളിൽ അടങ്ങിയിരിക്കുന്ന എല്ലാ പോഷകങ്ങളും ശരീരത്തിന് ലഭിക്കാൻ ആപ്പിൾ രാവിലെ പ്രഭാത ഭക്ഷണത്തിനു മുൻപ് വെറും വയറ്റിൽ കഴിക്കുന്നതാണ് നല്ലതെന്നു ഡോക്ടർമാർ അഭിപ്രായപ്പെടുന്നു. രാത്രി ഒഴിച്ച് ബാക്കിയുള്ള ആഹാര സമയങ്ങളിൽ ആപ്പിളിനെ ഭക്ഷണത്തിൽ ഉൾപ്പെടുത്താവുന്നതാണ്.

ഒരു ദിവസം എത്ര ആപ്പിൾ കഴിക്കണം എന്ന് പലരും ചോദിക്കുനന്ന ഒരു ചോദ്യമാണ്. ആപ്പിളിൽ കഫീൻ അടങ്ങിയിട്ടുള്ളതിനാൽ ദിവസവും ഒരു ആപ്പിൾ കഴിച്ചാൽ മതിയാകും. കഫീൻ അടങ്ങിയിട്ടുള്ളതിനാൽ ശരീരഭാരം നിയന്ത്രിക്കാൻ ദിവസവും ഒന്നോ രണ്ടോ ആപ്പിൾ മാത്രം കഴിക്കുക. കുറഞ്ഞത് ഒരു ആപ്പിൾ ദിവസവും ഭക്ഷണത്തിൽ ഉൾപ്പെടുത്താൻ ശ്രദ്ധിക്കുക.

അമിതമായാൽ അമൃതും വിഷമാണെന്നത് ഓർക്കണം. ആപ്പിൾ ശരീരത്തിന് വളരെ പോഷകങ്ങൾ നൽകുമെങ്കിലും ദിവസവും അമിതമായി ആപ്പിൾ കഴിച്ചാൽ അത് ശരീരത്തിന് ദോഷകരമായി ഭവിക്കും. അമിതമായി ആപ്പിൾ കഴിക്കുന്നതിലൂടെ വായിലെയും നാക്കിലെയും തൊണ്ടയിലെയും തൊലികൾ വീക്കം വെക്കാൻ സാധ്യതയുണ്ട്. അമിതമായി ആപ്പിൾ കഴിച്ചാൽ ഇങ്ങനെ വായിൽ വീക്കം ഉണ്ടാകുന്നത് ഉൾപ്പെടെയുള്ള ആരോഗ്യ പ്രശ്‌നങ്ങൾക്ക് കാരണമാകും. ആപ്പിൾ ആരോഗ്യത്തിന് ഏറെ ഗുണം ചെയ്യുന്നതെങ്കിലും അധികമായി കഴിക്കരുത്.