സമ്മർദം വേണ്ട; പ്രായം വേഗം കൂടാൻ കാരണമാകുമെന്ന് പഠനം

അതിനാൽ, ജീവശാസ്ത്രപരമായ പ്രായം നിർണ്ണയിക്കുന്നത് കാലക്രമത്തിന്റെ കണക്കിൽ മാത്രമല്ല എന്നും പോസിറ്റീവായ മാനസികാവസ്ഥ നിലനിർത്തുന്നത് ശരീരത്തിന് വേഗത്തിൽ പ്രായമാകുന്നത് തടയാൻ സഹായിക്കുമെന്നും പഠനം പറയുന്നു. ഡ്യൂക്ക് യൂണിവേഴ്സിറ്റി മെഡിക്കൽ സ്കൂളിലെയും ഹാർവാർഡ് യൂണിവേഴ്സിറ്റി മെഡിക്കൽ സ്കൂളിലെയും ഗവേഷകർ നടത്തിയ പഠനത്തിലാണ് ഇത് സൂചിപ്പിക്കുന്നത്. ഒരു വ്യക്തിയുടെ ജീവശാസ്ത്രപരമായ പ്രായം കൃത്യമായി നിർണ്ണയിക്കാൻ കഴിയുന്ന ഒരു ഉപകരണമായ എപിജെനെറ്റിക് ക്ലോക്ക് അനുസരിച്ച് സമ്മർദ്ദം ഉൾപ്പെടെ വിവിധ ഘടകങ്ങളോടുള്ള പ്രതികരണം അറിയാൻ ഗവേഷകർ മനുഷ്യരിലും എലികളിലുമാണ് പഠനം നടത്തിയത്.

Also Read- ചായയും മഞ്ഞളുമടക്കമുള്ള ഇന്ത്യൻ ഭക്ഷണങ്ങൾ കോവിഡ് മരണനിരക്ക് കുറയ്ക്കാൻ സഹായിച്ചു: ICMR

Also Read- മുടി നരയ്ക്കുന്നത് എന്തുകൊണ്ട്? അമേരിക്കൻ ശാസ്ത്രജ്ഞരുടെ കണ്ടെത്തൽ ഇങ്ങനെ

“കടുത്ത സമ്മർദ്ദം ജൈവിക പ്രായം വർധിപ്പിക്കുന്നതിലൂടെ ഭാഗികമായെങ്കിലും മരണനിരക്ക് വർദ്ധിപ്പിക്കുമെന്നും കണ്ടെത്തലുകൾ സൂചിപ്പിക്കുന്നു. ജൈവിക പ്രായം കുറയ്ക്കുന്നതിലൂടെ മരണനിരക്ക് കുറയ്ക്കാമെന്നും പഠനത്തിൽ പറയുന്നു.

സമ്മർദ്ദമുൾപ്പെടെ വിവിധ ഘടകങ്ങളോടുള്ള പ്രതികരണമായി ജൈവിക പ്രായത്തിലെ ഏറ്റക്കുറച്ചിലുകൾ ഉയർത്തിക്കാട്ടുന്നതിൽ ഈ പഠനം വിജയിച്ചു. അതേസമയം ജീവിതകാലം മുഴുവൻ ഇത് ചെലുത്തുന്ന സ്വാധീനത്തെക്കുറിച്ച് പഠിക്കാൻ കൂടുതൽ പഠനം ആവശ്യമാണെന്ന് ഗവേഷകർ പറയുന്നു. 2022 ജൂണിൽ നാഷണൽ അക്കാദമി ഓഫ് സയൻസസിന്റെ (PNAS) പ്രൊസീഡിംഗ്‌സിൽ പ്രസിദ്ധീകരിച്ച ഒരു മുൻ പഠനം അനുസരിച്ച് രോഗപ്രതിരോധവ്യവസ്ഥയെ ബാധിച്ച് വാർദ്ധക്യത്തെ ത്വരിതപ്പെടുത്തുന്നതിൽ സമ്മർദ്ദം പരോക്ഷമായി പങ്കുചേരുമെന്നാണ് കണ്ടെത്തിയിരിക്കുന്നത്.