Sinus Symptoms| സൈനസൈറ്റിസിന്റെ ലക്ഷണങ്ങൾ എന്തെല്ലാം?

നിങ്ങൾക്ക് നിരന്തരമായി ജലദോഷവും ചുമയും ഉണ്ടാകാറുണ്ടോ? സാധാരണയായി അത് ജലദോഷത്തിന്റെയും പനിയുടെയും ലക്ഷണമാണ് എന്നാണ് നാം പലപ്പോഴും കരുതാറുള്ളത്. എന്നാൽ അത് മറ്റ് ചില കാരണങ്ങൾ കൊണ്ടും വരാം. അതിലൊന്നാണ് സൈനസൈറ്റിസ്. മൂക്കിന്റെയും കണ്ണിന്റെയും ചുറ്റിലായി കാണുന്ന വായു അറകളാണ് സൈനസുകൾ. സൈനസിന്റെ ലൈനിങ് പാളിക്കുണ്ടാകുന്ന നീർവീക്കമാണ് സൈനസൈറ്റിസ്. ഏതു ഭാഗത്തുള്ള സൈനസിനാണ് അണുബാധ എന്നതനുസരിച്ച് രോഗത്തിന്റെ ലക്ഷണങ്ങൾ വ്യത്യാസപ്പെട്ടിരിക്കും. കണ്ണിനു താഴെ, കണ്ണിനു മുകളിൽ, മൂക്കിന്റെ വശങ്ങളിൽ, മൂക്കിനു പിറകിൽ തലച്ചോറിനു തൊട്ടു താഴെയായി, കണ്ണിനും മൂക്കിനും ഇടയ്ക്ക് ഇങ്ങനെയാണു സൈനസുകളുടെ സ്ഥാനം.