'ക്രിപ്റ്റോസ്പോരിഡിയോസിസ്' യുകെയിൽ പടരുന്ന രോഗം അപകടകാരിയാണോ? ലക്ഷണങ്ങൾ എന്തെല്ലാം?

യുകെയിലെ തെക്കൻ ഡെവോണിലുള്ള ബ്രിക്സാം എന്ന പ്രദേശത്ത് മാത്രമാണ് നിലവിൽ പ്രധാനമായും രോഗം റിപ്പോർട്ട് ചെയ്തിരിക്കുന്നത്. വെള്ളം തിളപ്പിച്ച് മാത്രമേ കുടിക്കുവാൻ പാടുള്ളൂവെന്ന് ആരോഗ്യ മന്ത്രാലയം ജനങ്ങളോട് പറഞ്ഞു. ക്രിപ്റ്റോസ്പോരിഡിയം എന്ന പരാദത്തിലൂടെയാണ് ഈ അണുബാധ പടരുന്നത്. കടുത്ത വയറിളക്കമാണ് പ്രധാന ലക്ഷണം. ക്ലോറിനേറ്റഡ് വെള്ളത്തെ പോലും അതിജീവിക്കാൻ കഴിയുന്ന തരത്തിൽ പ്രതിരോധശേഷിയുള്ളതാണ് രോഗകാരി. അമേരിക്കയിലും ലോകത്തിൻെറ മറ്റ് പല മേഖലകളിലും ഏറ്റവും കൂടുതലായി റിപ്പോർട്ട് ചെയ്യുന്ന ജലജന്യരോഗം ക്രിപ്റ്റോസ്പോരിഡിയോസിസാണ്.

രോഗലക്ഷണങ്ങളൊന്നും കാണിക്കാതെയും ഈ പരാദം രണ്ട് മാസത്തോളം ഒരാളുടെ ശരീരത്തിൽ കഴിയും. മറ്റുള്ളവരിലേക്ക് പടരാനുള്ള സാധ്യതയുമുണ്ട്.