സുരേഷ്ഗോപിക്ക് ഹൈക്കോടതിയിൽ തിരിച്ചടി; ലോക്സഭാംഗത്വം റദ്ദാക്കണമെന്ന് ആവശ്യപ്പെട്ടുള്ള ഹർജി നിലനിൽക്കും
- Published by:SIBILI S
- news18-malayalam
Last Updated:
തിരഞ്ഞെടുപ്പ് ഹര്ജി തള്ളണമെന്ന് ആവശ്യപ്പെട്ട് സുരേഷ് ഗോപി നൽകിയ ഉപഹര്ജി തള്ളിക്കൊണ്ടാണ് കോടതി ഉത്തരവ്.
തൃശൂർ : സുരേഷ്ഗോപിയുടെ ലോക്സഭാംഗത്വം റദ്ദാക്കണമെന്ന് ആവശ്യപ്പെട്ട് സമർപ്പിച്ച ഹർജി നിലനിൽക്കുമെന്ന് ഹൈക്കോടതി. തിരഞ്ഞെടുപ്പ് ഹര്ജി തള്ളണമെന്ന് ആവശ്യപ്പെട്ട് സുരേഷ് ഗോപി നൽകിയ ഉപഹര്ജി തള്ളിക്കൊണ്ടാണ് കോടതി ഉത്തരവ്. ഹൈക്കോടതി സിംഗിള് ബെഞ്ചിന്റേതാണ് നടപടി. തൃശൂർ സ്വദേശിയായ സിപിഐ നേതാവ് എ.എസ്. ബിനോയിയാണ് സുരേഷ് ഗോപിയുടെ ലോക്സഭാംഗത്വം റദ്ദാക്കണമെന്ന് ആവശ്യപ്പെട്ട് ഹൈക്കോടതിയെ സമീപിച്ചത്.
തിരഞ്ഞെടുപ്പ് ചോദ്യം ചെയ്തുള്ള ഹര്ജി തള്ളാനാവില്ലെന്നും സുരേഷ് ഗോപി വിചാരണ നേരിടണമെന്നും ജസ്റ്റിസ് കൗസർ എഡപ്പഗത്ത് വ്യക്തമാക്കി. ഹൈക്കോടതി സിംഗിൾ ബെഞ്ച് ഉത്തരവിനെതിരെ സുരേഷ് ഗോപി ഡിവിഷൻ ബെഞ്ചിനെ സമീപിച്ചേക്കും.
തിരഞ്ഞെടുപ്പ് പ്രചാരണവേളയിൽ സുരേഷ് ഗോപി മതചിഹ്നങ്ങൾ ഉപയോഗിച്ചുവെന്നും ഇത് ഗുരുതര ക്രമക്കേടാണെന്നും ബിനോയി ഹർജിയിൽ ആരോപിച്ചിരുന്നു. എന്നാൽ ഈ ഹർജി അനാവശ്യമാണെന്നും റദ്ദാക്കണമെന്നും ആവശ്യപ്പെട്ടാണ് സുരേഷ്ഗോപി ഉപഹർജി സമർപ്പിച്ചത്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Ernakulam,Kerala
First Published :
Apr 01, 2026 1:28 PM IST
മലയാളം വാർത്തകൾ/ വാർത്ത/Kerala/
സുരേഷ്ഗോപിക്ക് ഹൈക്കോടതിയിൽ തിരിച്ചടി; ലോക്സഭാംഗത്വം റദ്ദാക്കണമെന്ന് ആവശ്യപ്പെട്ടുള്ള ഹർജി നിലനിൽക്കും
