പെരിമെനോപോസ്: നാൽപതുകളിലെത്തിയ സ്ത്രീകള്‍ ഊര്‍ജസ്വലതയോടെയിരിക്കാന്‍ വേണ്ട ശീലങ്ങൾ

സ്ത്രീകൾ തങ്ങളുടെ ജീവിതത്തിൽ പലപ്പോഴും ആർത്തവചക്രവുമായി ബന്ധപ്പെട്ട് നിരവധി ശാരീരിക മാറ്റങ്ങൾക്ക് വിധേയരാകുന്നുണ്ട്. സാധാരണയായി സ്ത്രീകൾക്ക് 40 വയസ്സ് പിന്നിടുമ്പോൾ, അല്ലെങ്കിൽ 50-കളുടെ തുടക്കത്തിൽ ശരീരത്തിൽ ഉയർന്ന ചൂട് അനുഭവപ്പെടുക, മാനസികാവസ്ഥയിലെ മാറ്റങ്ങൾ, ഉറക്കമില്ലായ്മ , ഹോർമോണുകളുടെ മാറ്റം തുടങ്ങിയവ അനുഭവപ്പെട്ടു തുടങ്ങും. ഇത് ആർത്തവവിരാമം ആരംഭിക്കുന്നതിന് തൊട്ടു മുമ്പുള്ള കാലയളവായ പെരിമെനോപോസിന്റെ സൂചനകൾ ആണ്. പോഷകാഹാര വിദഗ്ധയായ കാസി ഫാർലോ ഈ കാലയളവിൽ സ്ത്രീകൾക്കുണ്ടാകുന്ന അമിതമായ ക്ഷീണത്തിനു പിന്നിലെ കാരണങ്ങൾ എന്തൊക്കെയാണെന്ന് ഇൻസ്റ്റാഗ്രാമിൽ പങ്കുവെച്ചിട്ടുണ്ട്.