IKIGAI ജീവിതം സന്തോഷകരമാക്കി ആയുസ് കൂട്ടാം; 'ഇക്കിഗായ്' ജാപ്പനീസ് വിജയരഹസ്യം

എങ്ങനെയാണ് ജീവിതം കൂടുതൽ നിറമുള്ളതും സന്തോഷകരവുമാക്കുന്നത്? കൂടുതൽ പണം? പ്രശസ്തി? ഇഷ്ടമുള്ള ജോലി? നല്ല ഭക്ഷണം? ഈ ചോദ്യത്തിനുള്ള ഉത്തരമായി ജപ്പാൻകാർ പറയുന്നത് ‘നിങ്ങളുടെ ഇക്കിഗായ് കണ്ടെത്തുന്നതിലൂടെ’ എന്നാണ്. മനോഹരമായ ഈ ആശയം ലോകശ്രദ്ധയിൽ കൊണ്ടുവന്നത് ഫ്രാഞ്ചെസ്ക് മിറാല്ലെസ്, ഹെക്ടർ ഗാർഷ്യ എന്നിവർ എഴുതിയ “ഇക്കിഗായ് : ദി ജാപ്പനീസ് സീക്രെട് ടു എ ലോങ്ങ് ആൻഡ് ഹാപ്പി ലൈഫ്” എന്ന പുസ്തകമാണ്. മലയാളത്തിലും പ്രസിദ്ധീകരിക്കപ്പെട്ട ഈ പുസ്തകം പല ഭാഷകളിലായി ദശലക്ഷക്കണക്കിനു കോപ്പികളാണ് വിറ്റഴിഞ്ഞത്.

ഈ അറിവാണ് ജീവിതവിജയത്തിലേക്കുള്ള ആദ്യപടി. ഈ അറിവിനെത്തന്നെയാണ് ഇക്കിഗായ് എന്ന് പേരിട്ടു വിളിക്കുന്നതും. ഇതിലൂടെ ജീവിതം കൂടുതൽ മധുരതരമാകും എന്ന് മാത്രമല്ല, ആയുസ്സും വർധിക്കും എന്നാണ് ജാപ്പനീസ് ഗുരുക്കന്മാർ പറയുന്നത്. ലോകത്ത് ഏറ്റവും ആയുർദൈർഘ്യമുള്ള ജനതയാണ് ജപ്പാനിലേത്.

തീർച്ചയായും, നിങ്ങളുടെ കഴിവുകളെക്കുറിച്ച് കൂട്ടുകാരോടും വീട്ടുകാരോടും മറ്റും അഭിപ്രായങ്ങളും ചോദിക്കാം. എന്നാൽ ആത്യന്തികമായി നിങ്ങളുടെ മനസ്സിന് ശരി എന്ന് തോന്നുന്നവ ആയിരിക്കണം നിങ്ങൾ എഴുതുന്നത്. ഇനി ഒരു കടലാസ്സെടുത്ത് അതിൽ നാല് വൃത്തങ്ങൾ വരയ്ക്കുക – ഒരു പൂവിന്റെ ഇതളുകൾ പോലെ തമ്മിൽ കൊരുത്ത നാല് വൃത്തങ്ങൾ.

നിങ്ങൾ വളരെയേറെ ഇഷ്ടപ്പെടുന്ന, നിങ്ങൾക്ക് ചെയ്യാൻ കഴിവുള്ള, നിങ്ങളുടെ ചുറ്റും ഉള്ളവർക്ക് ആവശ്യമുള്ള, നിങ്ങൾക്ക് പ്രതിഫലം ലഭിക്കുന്ന ഒന്ന് – അതെ! അത് തന്നെയാണ് നിങ്ങളുടെ ‘ഇക്കിഗായ്’ – നിങ്ങളുടെ ജീവിത വിജയത്തിന്റെ താക്കോൽ!!