• HOME
  • »
  • NEWS
  • »
  • life
  • »
  • International Day of Older Persons | ഇന്ന് അന്താരാഷ്ട്ര വയോജന ദിനം; പ്രായമായവർക്ക് സമൂഹത്തിലുള്ള പ്രാധാന്യം

International Day of Older Persons | ഇന്ന് അന്താരാഷ്ട്ര വയോജന ദിനം; പ്രായമായവർക്ക് സമൂഹത്തിലുള്ള പ്രാധാന്യം

അന്താരാഷ്ട്ര വയോജന ദിനത്തിന്റെ ചരിത്രത്തെക്കുറിച്ചും പ്രാധാന്യത്തെക്കുറിച്ചും കൂടുതല്‍ അറിയാം

  • Last Updated :
  • Share this:
    ഇന്ന് ലോകമെമ്പാടും അന്താരാഷ്ട്ര വയോജന ദിനമായി (International Day of Older Persons) ആചരിക്കുകയാണ്. പ്രായമായവരെ ആദരിക്കുന്നതിനും അവര്‍ അഭിമുഖീകരിക്കുന്ന പ്രശ്നങ്ങള്‍ പരിഹരിക്കുന്നതിനുമായി ഐക്യരാഷ്ട്രസഭയുടെ ജനറല്‍ അസംബ്ലിയാണ് ഒക്ടോബര്‍ ഒന്ന് വയോജന ദിനമായി പ്രഖ്യാപിച്ചത്. സേവനങ്ങളും അനുഭവങ്ങളും അറിവും കൈമാറുന്നതിലൂടെയും വ്യത്യസ്ത ഉത്തരവാദിത്തങ്ങളിലൂടെയും അവരവരുടെ കുടുംബങ്ങളെ സഹായിക്കുന്നതിലൂടെയും പ്രായമായവര്‍ സമൂഹത്തില്‍ വലിയ സംഭാവനകള്‍ നല്‍കുന്നവരാണെന്ന് നമ്മള്‍ ഓര്‍ക്കണം. ഈ അവസരത്തില്‍ അന്താരാഷ്ട്ര വയോജന ദിനത്തിന്റെ ചരിത്രത്തെക്കുറിച്ചും പ്രാധാന്യത്തെക്കുറിച്ചും കൂടുതല്‍ അറിയാം.

    അന്താരാഷ്ട്ര വയോജന ദിനത്തിന്റെ ചരിത്രവും പ്രാധാന്യവും

    1990 ഡിസംബര്‍ 14-നാണ് ഐക്യരാഷ്ട്ര പൊതുസഭ ഒക്ടോബര്‍ 1 അന്താരാഷ്ട്ര വയോജന ദിനമായി ആചരിക്കാന്‍ ഒരു പ്രമേയം പാസാക്കിയത്. തുടര്‍ന്ന് വേള്‍ഡ് അസംബ്ലി ഓണ്‍ ഏജിംഗ് സംരംഭം അംഗീകരിച്ച വിയന്ന ഇന്റര്‍നാഷണല്‍ പ്ലാന്‍ ഓഫ് ആക്ഷന്‍ ഓണ്‍ ഏജിംഗ് സംരംഭത്തിന് ശേഷമാണ് ഈ ദിനം നിലവില്‍ വന്നത്.

    ശേഷം 1991-ല്‍ യുഎന്‍ ജനറല്‍ അസംബ്ലി പ്രായമായവര്‍ക്കുള്ള ഐക്യരാഷ്ട്രസഭയുടെ തത്വങ്ങള്‍ അംഗീകരിച്ചു. പിന്നീട് 2002-ല്‍, വാര്‍ദ്ധക്യം സംബന്ധിച്ചുള്ള സെക്കന്റ് വേള്‍ഡ് അസംബ്ലി, വാര്‍ദ്ധക്യം സംബന്ധിച്ച മാഡ്രിഡ് ഇന്റര്‍നാഷണല്‍ പ്ലാന്‍ ഓഫ് ആക്ഷന്‍ അംഗീകരിക്കുകയും ചെയ്തു. 21-ാം നൂറ്റാണ്ടില്‍ പഴയ തലമുറ നേരിടുന്ന അവസരങ്ങളും വെല്ലുവിളികളും അഭിസംബോധന ചെയ്യുന്നതിനും മനസ്സിലാക്കുന്നതിനും സമൂഹത്തിന്റെ വികസനം എല്ലാ പ്രായക്കാര്‍ക്കും ലഭ്യമാക്കുന്നത് പ്രോത്സാഹിപ്പിക്കുകയുമാണ് ഇതിലൂടെ ലക്ഷ്യമിടുന്നത്.

    അന്താരാഷ്ട്ര വയോജന ദിനത്തിന്റെ തീം

    'മാറുന്ന ലോകത്ത് വയോജനങ്ങളുടെ പ്രതിരോധം' എന്നതാണ് ഈ വര്‍ഷത്തെ അന്താരാഷ്ട്ര വയോജന ദിനാചരണത്തിന്റെ പ്രമേയം.

    അന്താരാഷ്ട്ര വയോജനദിനം സംബന്ധിച്ച ചില ഉദ്ധരണികള്‍

    1. 'ദൈവത്താല്‍ ഈ വേലയ്ക്കായി എന്നെ നിയോഗിച്ചിരിക്കുന്നുവെന്ന് പലരും , ഞാന്‍ വിശ്വസിക്കുന്നു. പ്രായമായിട്ടും അത് ഉപേക്ഷിക്കാന്‍ ഞാന്‍ ആഗ്രഹിക്കുന്നില്ല; ദൈവത്തോടുള്ള സ്നേഹത്തില്‍ നിന്നാണ് ഞാന്‍ പ്രവര്‍ത്തിക്കുന്നത്, എന്റെ എല്ലാ പ്രതീക്ഷകളും അവനില്‍ അര്‍പ്പിക്കുന്നു. മൈക്കലാഞ്ചലോ

    2. 'കര്‍ത്താവേ, വാര്‍ദ്ധക്യത്തില്‍ നിന്നും തകര്‍ന്ന ആരോഗ്യത്തില്‍ നിന്നും, പൂവിടാനുള്ള കഴിവ് നഷ്ടപ്പെട്ട പ്രത്യാശ വൃക്ഷത്തില്‍ നിന്നും ഞങ്ങളെ എല്ലാവരെയും രക്ഷിക്കണമേ.' മാർക്ക് ട്വൈൻ

    3. 'പ്രായം എന്നത് കാര്യത്തെക്കാള്‍ മനസിന്റെ പ്രശ്‌നമാണ്. നിങ്ങള്‍ അത് കാര്യമാക്കത്തിടത്തോളം കാലം അത് പ്രശ്‌നമല്ല. ' -മാർക്ക് ട്വൈൻ


    2015ല്‍ 60 വയസും അതിനു മുകളില്‍ പ്രായമുള്ളതുമായ വയോജനങ്ങളുടെ എണ്ണം 900 മില്യണായിരുന്നു. 2050 ആകുമ്പോള്‍ ഇത് 2 ബില്യണിലെത്തും എന്നാണ് കണക്കുകള്‍ സൂചിപ്പിക്കുന്നത്. അതായത് ഒരു രാജ്യത്തെ ഭൂരിഭാഗം ജനസംഖ്യ വയോജനങ്ങളായിരിക്കും എന്നര്‍ത്ഥം. ഇന്ന് 125 ദശലക്ഷം ആളുകള്‍ 80 വയസോ അതില്‍ കൂടുതലോ പ്രായമുള്ളവരാണ്.

    വാര്‍ദ്ധക്യത്തിലേക്ക് കടക്കുമ്പോള്‍ നേരിടുന്ന പ്രശ്‌നങ്ങളെ കുറിച്ചും വാര്‍ധക്യസഹജമായ ബുദ്ധിമുട്ടുകളെക്കുറിച്ചുമുള്ള അവബോധം സൃഷ്ടിക്കാന്‍ കൂടി വേണ്ടിയാണ് അന്താരാഷ്ട്ര വയോജന ദിനം ആചരിക്കുന്നത്. പ്രായമായവര്‍ അറിവിന്റെയും അനുഭവത്തിന്റെയും കാര്യത്തില്‍ ഒരു വിജ്ഞാനകോശമാണ്. വീഴ്ചകളില്‍ നിന്നും പാഠം പറഞ്ഞു തരാനും നമ്മെ ഉയര്‍ത്തെഴുന്നേല്‍പ്പിക്കാനും അവര്‍ക്ക് സാധിക്കാറുള്ളതിനാല്‍ പ്രായമായവര്‍ നമുക്ക് ചുറ്റും ഉണ്ടാകുന്നത് ഒരു അനുഗ്രഹമാണ്.
    Published by:Rajesh V
    First published: