Alcohol | മദ്യപാനവും കുടലും തമ്മിൽ ബന്ധമുണ്ടോ? പുതിയ പഠനം പറയുന്നത് ഇങ്ങനെ

മനുഷ്യ ശരീരത്തിൽ മസ്തിഷ്കം പോലെ തന്നെ പ്രധാനപ്പെട്ട അവയവമാണ് കുടലും (gut). ഈ രണ്ട് അവയവങ്ങളും പരസ്പരം ബന്ധപ്പെട്ടിരിക്കുന്നുവെന്നും നമ്മുടെ വികാരങ്ങളെ പോലും സ്വാധീനിക്കാൻ കഴിയുമെന്നും കണ്ടെത്തിയിട്ടുണ്ട്. ഗട്ട് മൈക്രോബയോട്ടയ്ക്കും (intestinal microbiota or gut microbiota) മദ്യപാനത്തിനും തമ്മിൽ ബന്ധമുണ്ടെന്നാണ് പുതിയ ചില കണ്ടെത്തലുകൾ സൂചിപ്പിക്കുന്നത്. ഒരാൾ കുടിക്കുന്ന മദ്യത്തിന്റെ അളവ് ഗട്ട് മൈക്രോബയോട്ടയെ കൂടി ആശ്രയിച്ചിരിക്കുന്നു എന്നാണ് കണ്ടെത്തൽ. സ്‌പെയിനിലെ കംപ്ലൂട്ടന്‍സ് യൂണിവേഴ്‌സിറ്റി ഓഫ് മാഡ്രിഡിലെ (UCM) ഗവേഷകരാണ് പഠനത്തിനു പിന്നിൽ. ഗട്ട് മൈക്രോബയോട്ടക്ക് മദ്യപാനം മൂലമുള്ള നമ്മുടെ പെരുമാറ്റത്തെ പോലും സ്വാധീനിക്കാനാകുമെന്നും ശാസ്ത്രജ്ഞര്‍ കണ്ടെത്തിയിരിക്കുകയാണ്.