മരണശേഷം എന്ത് സംഭവിക്കും? മൂന്ന് തവണ മരിച്ചതായി പ്രഖ്യാപിച്ച് സ്ത്രീ പങ്കുവെച്ച ഞെട്ടിപ്പിക്കുന്ന അനുഭവം

നോർമയ്ക്ക് 20 വയസ്സുള്ളപ്പോഴാണ് ആദ്യം അവർ മരിച്ചതായി ഡോക്ടർമാർ പറയുന്നത്. ജോലിക്കു പോകുന്നതിനിടെ ഹൃദയം നിലയ്ക്കുകയും നിലത്ത് കുഴഞ്ഞു വീഴുകയുമായിരുന്നു. ഇതിന് ശേഷം അവരുടെ ശരീരത്തിനുള്ളിൽ മരണപ്പെട്ട ഭ്രൂണം കണ്ടെത്തി. ഇത് അവരുടെ രക്തത്തിൽ അണുബാധയുണ്ടാക്കി.

പ്രകാശ പൂരിതമായ ഒരിടത്തേക്ക് എത്തുന്നതിന് മുമ്പ് അവിശ്വനീയമായ വേഗതയിൽ ഇരുണ്ട തുരങ്കത്തിലൂടെ ആ സമയം സഞ്ചരിച്ചതായി നോർമ പറയുന്നു. അവിടെ മൂന്ന് കോളങ്ങളിലായി തന്റെ ജീവിതം പ്രദർശിപ്പിക്കുന്ന വലിയ സ്‌ക്രീൻ അവൾ കണ്ടു.  ആദ്യത്തേതിൽ ജനനത്തിന് മുമ്പ് അവർക്കായി ആസൂത്രണം ചെയ്തിരുന്ന ജീവിതമാണ് ചിത്രീകരിച്ചിരുന്നത്. രണ്ടാമത്തേതിൽ അവരുടെ ഭൂമിയിലെ യഥാർത്ഥ ജീവിതമാണ് കാണിച്ചത്. മൂന്നാമത്തേതിൽ അതിന്റെ ഫലവും വെളിപ്പെടുത്തി. ഓരോ തവണയും നൽകിയ സന്ദേശം ലക്ഷ്യം നിറവേറ്റിയില്ല എന്നതായിരുന്നു.

2024ലാണ് നോർമ തന്റെ രണ്ടാമത്തെയും മൂന്നാമത്തെയും മരണാസന്ന അനുഭവങ്ങളിലൂടെ കടന്നു പോയത്. 2024 നവംബറിൽ അവർക്ക് ഹൃദയാഘാതം ഉണ്ടായി. ആംബുലൻസിൽ കൊണ്ടുപോകുന്നതിനിടെ അവർ മരിച്ചതായി ക്ലിനിക്കലി പ്രഖ്യാപിച്ചു.

വ്യക്തമായ ഒരു നിർദേശത്തോടെയാണ് നോർമയെ ജീവിതത്തിലേക്ക് തിരിച്ച് അയച്ചത്. മറ്റുള്ളവരുടെ മരണഭയത്തെ മറികടക്കാൻ സഹായിക്കുക എന്നതായിരുന്നു അത്. ഇന്ന് പ്രായമായ വ്യക്തികളുമായും ജീവിതാവസാനത്തോട് അടുത്തവരോടൊപ്പവും പ്രവർത്തിക്കുകയാണ് അവർ. ഇത് മരണാസന്നരായ ആളുകൾക്ക് ആശ്വാസവും ഉറപ്പും നൽകുന്നു.