'ഇന്ത്യയെ ഡിജിറ്റല്‍ വിപ്ലവത്തിന്റെ മുന്‍പന്തിയില്‍ എത്തിക്കാന്‍ ആഗ്രഹം'; ആകാശ് അംബാനി

ഇന്ത്യയെ ഡിജിറ്റല്‍ വിപ്ലവത്തിന്റെ മുന്‍പന്തിയില്‍ നിര്‍ത്താന്‍ ആഗ്രഹിക്കുന്നുവെന്ന് റിലയന്‍സ് ജിയോ ചെയര്‍മാന്‍ ആകാശ് അംബാനി പറഞ്ഞു. ന്യൂഡല്‍ഹിയില്‍ ഇന്ത്യ മൊബൈല്‍ കോണ്‍ഗ്രസില്‍ (ഐഎംസി) പങ്കെടുത്ത് സംസാരിക്കുകയായിരുന്നു അദ്ദേഹം. ഐഎംസിയില്‍ പ്രദര്‍ശിപ്പിച്ചിരിക്കുന്ന സാങ്കേതികവിദ്യകളുടെ സമ്പൂര്‍ണ മൂല്യ ശൃംഖല സൂചിപ്പിക്കുന്നത് സെമികണ്ടക്ടറുകളില്‍ നിന്ന് ഫ്രോഡ് മാനേജ്‌മെന്റ് സൊലൂഷനുകളിലേക്കുള്ള ഇന്ത്യയുടെ പുരോഗതിയെയാണെന്ന് അദ്ദേഹം പറഞ്ഞു. അത് പുറത്തിറങ്ങാനിരിക്കുന്ന 6ജിയെ അടിവരയിടുന്നതായും അദ്ദേഹം കൂട്ടിച്ചേര്‍ത്തു. ഈ മേഖലയിലെ നവീകരണത്തിനും ഇന്ത്യ ഡിജിറ്റല്‍ വിപ്ലവത്തിന്റെ മുന്‍പന്തിയില്‍ തുടരുന്നുവെന്ന് ഉറപ്പാക്കുന്നതിനും കമ്പനി പ്രതിജ്ഞാബദ്ധമാണെന്നും അദ്ദേഹം കൂട്ടിച്ചേര്‍ത്തു.