ആലപ്പുഴ വഴിയുള്ള കാസർകോട്-തിരുവനന്തപുരം വന്ദേഭാരത് മംഗളൂരുവിലേക്ക് നീട്ടി

Published by:Vishnupriya S
news18-malayalam

Last Updated:Mar 12, 2024 9:57 PM IST

കേരളത്തിന്റെ രണ്ടാമത്തെ വന്ദേ ഭാരത് ആണിത്

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

തിരുവനന്തപുരം: ആലപ്പുഴ വഴിയുള്ള കാസർകോട്-തിരുവനന്തപുരം-കാസർകോട് വന്ദേഭാരത് (20631/20632) മംഗളൂരുവിലേക്ക് നീട്ടി. ഉദ്ഘാടനം പ്രധാനമന്ത്രി ഓൺലൈനിൽ നിർവഹിച്ചു. വന്ദേഭാരത് നിർത്തുന്ന എല്ലാ സ്റ്റേഷനിലും സ്റ്റോപ്പ് ഉണ്ടാകും. ആലപ്പുഴ വഴി സർവ്വീസ് നടത്തുന്ന വന്ദേഭാരതാണ് മംഗളൂരുവിലേക്ക് സർവ്വീസ് നടത്തുന്നത്. കേരളത്തിന്റെ രണ്ടാമത്തെ വന്ദേ ഭാരത് ആണിത് (20632/20631). മലബാർ ഭാഗത്തു നിന്ന് മംഗലാപുരത്തേയ്ക്ക് യാത്ര ചെയ്യുന്നവർക്ക് പുതിയ സർവ്വീസ് ഗുണം ചെയ്യും.

Also read-തിരുപ്പതി-കൊല്ലം റൂട്ടിൽ കേരളത്തിന് പുതുതായി ഒരു എക്സ്പ്രസ് ട്രെയിൻ കൂടി

നിലവിൽ രാവിലെ ഏഴിനാണ് കാസർകോട്ടുനിന്ന് തിരുവനന്തപുരത്തേക്ക് യാത്ര തിരിക്കുന്നത്. ഇനി രാവിലെ 6.25-ന് മംഗളൂരുവിൽനിന്ന് പുറപ്പെടും. ഉച്ചക്ക് 3.05-ന് തിരുവനന്തപുരത്ത് എത്തും. വൈകീട്ട് 4.05-ന് തിരുവനന്തപുരത്തുനിന്ന് പുറപ്പെടും. രാത്രി 11.45-ന് കാസർകോട്ടെത്തും. 12.40-ന് മംഗളൂരുവിൽ യാത്ര അവസാനിപ്പിക്കും.

Also read-നിലമ്പൂർ നിന്നുള്ളള രാജ്യറാണി എക്‌സ്പ്രസിൽ വരുന്നവർക്ക് ഇനി തിരുവനന്തപുരത്ത് ഇറങ്ങാം

നിലവിൽ തിങ്കളാഴ്ചയും (തിരുവനന്തപുരം-കാസർകോട്), ചൊവ്വാഴ്ചയും (കാസർകോട്-തിരുവനന്തപുരം) ഓടാറില്ല. മുൻകൂട്ടി ബുക്ക് ചെയ്തവരുള്ളതിനാൽ ജൂലായ് നാലുവരെ ആഴ്ചയിൽ എല്ലാ ദിവസവും വന്ദേഭാരത് ഓടും. ജൂലായ് അഞ്ചുമുതൽ ആഴ്ചയിൽ ബുധനാഴ്ച ഒഴികെയുള്ള ദിവസങ്ങളിൽ ഓടും.