Kia Seltos, Sonet | ഇന്ത്യയിൽ കിയ സെൽറ്റോസിന്റെയും സോണറ്റിന്റെയും വില വർദ്ധിപ്പിച്ചു; സെപ്റ്റംബർ മുതൽ 20,000 രൂപ വരെ കൂടും

റിപ്പോർട്ടുകൾ പ്രകാരം, ഇത് മൂന്നാം തവണയാണ് ദക്ഷിണ കൊറിയൻ ബ്രാൻഡായ കിയ കാറുകളുടെ വില പുതുക്കുന്നത്. ആദ്യ വില വർദ്ധനവ് ജനുവരിയിലായിരുന്നു. തുടർന്ന് മെയ് മാസത്തിലും വില വർദ്ധിപ്പിച്ചിരുന്നു. മൂന്നാമത്തേതാണ് ഈ മാസത്തെ വില വർദ്ധനവ്. അടുത്തിടെ, X ലൈൻ ട്രിം എന്ന പേരിൽ സെൽറ്റോസിന്റെ പുതിയ മോഡലും കിയ പുറത്തിറക്കിയിരുന്നു. എസ്‌യുവിയുടെ ഈ മോഡൽ 17.79 ലക്ഷം രൂപയ്ക്ക് (എക്സ്-ഷോറൂം) ലഭ്യമാണ്.

ഉത്സവ സീസൺ അടുത്തു വരുന്നതിനാൽ നാല് ചക്ര വാഹനങ്ങളുടെ വിൽപ്പന ഉയരുമെന്ന് പ്രതീക്ഷിക്കുന്നതായും കമ്പനി കൂട്ടിച്ചേർത്തു. കൂടാതെ, കിയയുടെ ആവശ്യക്കാരുടെ എണ്ണം വർദ്ധിച്ചു വരുന്നതിനാൽ ദക്ഷിണ കൊറിയൻ വാഹന നിർമ്മാതാക്കൾ കാറിന്റെ ഉത്പാദനം വർദ്ധിപ്പിക്കാനും പദ്ധതിയിടുന്നുണ്ട്.

കിയ ഇന്ത്യയിൽ പുറത്തിറക്കിയ മൂന്നാമത്തെ മോഡലായിരുന്നു സോണറ്റ്. 15 വ്യത്യസ്ത വേരിയൻറുകളുള്ള സോണറ്റിന് 6.71 ലക്ഷം രൂപ മുതലാണ് വില. സ്പോർട്ടി ലുക്ക് തന്നെയാണ് സോണറ്റിൻറെ സവിശേഷത