ഇലക്ട്രിക് വാഹന പ്രിയം; കേരളത്തിന് പുതിയ ഊര്‍ജനയം രൂപീകരിക്കാന്‍ 18 അംഗ സമിതി

തിരുവനന്തപുരം: സംസ്ഥാനത്ത് ഇലക്ട്രിക് വാഹനങ്ങളുടെ ഉപയോഗം കൂടുന്നതിന് പിന്നാലെ സര്‍ക്കാര്‍ പുതിയ ഊര്‍ജനയം രൂപീകരിക്കുന്നു. ഇതിനായി 18 അംഗ വിദഗ്ദ സമിതിയെ നിയോഗിച്ചു. ഊര്‍ജമേഖലയില്‍ സമീപകാലത്ത് ഉണ്ടായ മാറ്റം ഉള്‍ക്കൊണ്ടുകൊണ്ടാണ് സര്‍ക്കാരിന്‍റെ നീക്കം. എല്ലാമേഖലകളിലും സൗരോര്‍ജത്തിന്റെ സാധ്യത പ്രയോജനപ്പെടുത്തുന്നതിനുപുറമേ, പുതിയ ഊര്‍ജസ്രോതസ്സുകള്‍ കണ്ടെത്തുന്നതിനും നയം പ്രാധാന്യം നല്‍കും. ഫെബ്രുവരി 15 -നകം നയത്തിന്റെ കരടുരൂപം സര്‍ക്കാരിന് സമര്‍പ്പിക്കണം.