Year Ender 2021 | പോളോ മുതൽ ബലേനോ വരെ; 10 ലക്ഷം രൂപയിൽ താഴെ വിലയുള്ള മികച്ച കാറുകൾ

അടുത്ത വർഷം പുതിയ കാർ (Car) വാങ്ങാൻ പ്ലാനുണ്ടോ? 10 ലക്ഷം രൂപ വരെയാണ് നിങ്ങളുടെ ബഡ്ജറ്റ് എങ്കിൽ ഈ വിലയ്ക്ക് ലഭിക്കുന്ന മികച്ച കാറുകൾ ഏതൊക്കെയാണെന്ന് അറിയണ്ടേ? കഴിഞ്ഞ കുറച്ച് വർഷങ്ങളായി ഈ വിഭാഗത്തിൽപ്പെടുന്ന കാറുകൾക്ക് വലിയ മാറ്റങ്ങൾ വന്നിട്ടുണ്ട്. മുമ്പുണ്ടായിരുന്ന പല കാറുകളും പട്ടികയിൽ നിന്ന് പുറത്തായി. എന്നാൽ പുതിയ ചില കൂട്ടിച്ചേർക്കലുകളുമുണ്ടായിട്ടുണ്ട്. ഇതിന് പ്രധാന കാരണം കാറുകളുടെ വില വർദ്ധനവാണ്. ചില കാറുകളുടെ വില വർദ്ധിച്ചതോടെ അവ ഈ പട്ടികയിൽ നിന്ന് പുറത്തായി. നിലവിൽ 10 ലക്ഷം രൂപയ്ക്ക് താഴെ വില വരുന്ന മികച്ച ഹാച്ച്ബാക്കുകൾ (Hatchbacks) ഏതൊക്കെയാണെന്ന് നോക്കാം. എന്നാൽ വില നിലവാരത്തിൽ വരുന്ന എല്ലാ കാറുകളും പട്ടികയിൽ ഉൾപ്പെടുത്തിയിട്ടില്ല എന്നതും ശ്രദ്ധിക്കണം. ഈ വിഭാഗത്തിൽപ്പെടുന്ന മികച്ച അഞ്ച് കാറുകളാണ് ഇവിടെ തിരഞ്ഞെടുത്തിരിക്കുന്നത്.