Gold Rate: പവൻ വില ഒന്നേകാൽ ലക്ഷത്തിലേക്ക്; ഒറ്റയടിക്ക് കൂടിയത് 2360 രൂപ; രാജ്യാന്തരവില 5,224 ഡോളർ പിന്നിട്ടു

തിരുവനന്തപുരം: സംസ്ഥാനത്തെ സ്വർണവിലയിൽ (Kerala Gold Rate) റെക്കോർഡ് വർധനവ്. പവന് ഒറ്റയടിക്ക് കൂടിയത് 2360 രൂപ. ഇതോടെ വില 1,21,120 രൂപയിലെത്തി. ഗ്രാമിന് 295 രൂപ ഉയർന്ന് 15,140 രൂപയിലെത്തി. ഈ മാസത്തെ ഏറ്റവും ഉയർന്ന നിരക്കിലാണ് ഇന്നത്തെ സ്വർണവ്യാപാരം പുരോഗമിക്കുന്നത്. രാജ്യാന്തര സ്വർണവില ഔൺസിന് 121 ഡോളർ ഉയർന്ന് 5,224 ഡോളർ നിലവാരത്തിൽ തുടരുന്നു. ഒരു ഗ്രാം 24 കാരറ്റ് സ്വർണത്തിന് 16,517 രൂപയും, പവന് 1,32,136 രൂപയുമാണ് നിരക്ക്. 18 കാരറ്റിന് ഒരു ഗ്രാമിന് 12,388 രൂപയും പവന് 99,104 രൂപയുമാണ് വില. വെള്ളി വില ഗ്രാമിന് 400 രൂപയും കിലോഗ്രാമിന് 4,00,000 രൂപയുമാണ് ഇന്നത്തെ നിരക്ക്.