Kerala Gold Price| ഇടിവിന് ബ്രേക്ക്; സ്വർണവില വീണ്ടും വർധിച്ചു: ഇന്നത്തെ നിരക്ക് അറിയാം
- Published by:Sneha Reghu
- news18-malayalam
Last Updated:
ഇന്നലെ രണ്ടു തവണയായി സ്വര്‍ണവിലയില്‍ മാറ്റം സംഭവിച്ചു
തിരുവനന്തപുരം: സംസ്ഥാനത്ത് സ്വർണവിലയിൽ ഇന്ന് വർധനവ്. പവന് 880 രൂപയാണ് വർധിച്ചത്. ഒരു പവന് ഇന്നത്തെ വിപണി നിരക്ക് 89,960 രൂപയാണ്. ഒരു ഗ്രാം സ്വര്‍ണത്തിന് 11,245 രൂപ നല്‍കണം. ഇന്നലെ രണ്ടു തവണയായി സ്വര്‍ണവിലയില്‍ മാറ്റം സംഭവിച്ചു. രാവിലെ കുറഞ്ഞ സ്വര്‍ണവില ഉച്ചയ്ക്കു ശേഷം വര്‍ധിക്കുന്നതാണ് കണ്ടത്. രാവിലെ 88,360 രൂപയായിരുന്ന സ്വര്‍ണവില ഉച്ചയ്ക്കുശേഷം 89,080 രൂപയിലെത്തുകയായിരുന്നു.
കഴിഞ്ഞ കുറച്ച് കാലങ്ങളായി അതിവേഗം വർധിച്ചിരുന്ന സ്വർണവില ഒട്ടും വൈകാതെ ഒരു ലക്ഷം കടക്കുമെന്ന സൂചനകളാണ് വിപണിയിൽ നിന്ന് ലഭിച്ചിരുന്നത്. എന്നാൽ കുറച്ച് ദിവസമായി വില കൂടിയും കുറഞ്ഞും നിൽക്കുന്ന അവസ്ഥയിലായിരുന്നു.
ആഗോള തലത്തിലെ സാമ്പത്തിക അനിശ്ചിതത്വങ്ങൾ, വർദ്ധിച്ച പണപ്പെരുപ്പ ഭീതി, ഡോളറിനെതിരെ ഇന്ത്യൻ രൂപയുടെ മൂല്യത്തിലുണ്ടായ തുടർച്ചയായ ഇടിവ് തുടങ്ങിയ ഘടകങ്ങളാണ് നിക്ഷേപകരെ സ്വർണത്തിലേക്ക് തിരിയാൻ പ്രേരിപ്പിച്ച് വില ഉയർത്തുന്നത്. വില കുതിച്ചുയർന്നതോടെ വിവാഹം പോലുള്ള ആവശ്യങ്ങൾക്കായി സ്വർണം വാങ്ങുന്നതിൽ വലിയ കുറവ് രേഖപ്പെടുത്തി. വിൽപന ഇടിഞ്ഞതോടെ സംസ്ഥാനത്തെ സ്വർണ വ്യാപാര മേഖല കനത്ത പ്രതിസന്ധിയിലാണ്.
ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
October 31, 2025 10:52 AM IST
മലയാളം വാർത്തകൾ/ വാർത്ത/Money/
Kerala Gold Price| ഇടിവിന് ബ്രേക്ക്; സ്വർണവില വീണ്ടും വർധിച്ചു: ഇന്നത്തെ നിരക്ക് അറിയാം
