Reliance Jio| റിലയൻസ് ജിയോയ്ക്ക് ഏപ്രിൽ-ജൂൺ ആദ്യ പാദത്തിൽ 12.2 % വർധനയോടെ 4863 കോടി രൂപയുടെ ലാഭം

റിപ്പോർട്ട് ചെയ്ത പാദത്തിൽ റിലയൻസ് ജിയോയുടെ മൊത്തം വരുമാനം ഒരു വർഷം മുമ്പ് 21,995 കോടി രൂപയിൽ നിന്ന് 24,127 കോടി രൂപയായി ഉയർന്നു. പ്രവർത്തനങ്ങളിൽ നിന്നുള്ള വരുമാനം 2022 ജൂൺ പാദത്തിലെ 21,873 കോടി രൂപയിൽ നിന്ന് 9.9 ശതമാനം വർധിച്ച് 24,042 കോടി രൂപയായി. മുൻപാദത്തിലെ 23,394 കോടിയിൽ നിന്ന് 3.11 ശതമാനം വർധനവാണ് രേഖപ്പെടുത്തിയത്.

Also Read- ഇന്ത്യയും യുഎഇയും രൂപയിലും ദിർഹത്തിലും വ്യാപാരം നടത്താൻ ധാരണ

ഈ ത്രൈമാസത്തിലെ പലിശ, നികുതി, മൂല്യത്തകർച്ച, കടംവീട്ടൽ എന്നിവയ്ക്ക് മുമ്പുള്ള വരുമാനം (ഇബിഐടിഡിഎ) 12,210 കോടി രൂപയിൽ നിന്ന് 0.55 ശതമാനം വർധിച്ച് 12,278 കോടി രൂപയിലെത്തി. ഇബിഐടിഡിഎ മാർജിൻ 52.3 ശതമാനത്തിൽ സ്ഥിരത പുലർത്തി.

കമ്പനിയുടെ കടം-ഓഹരി അനുപാതം ഒരു വർഷം മുമ്പത്തെ 0.16 മടങ്ങിനെ അപേക്ഷിച്ച് 0.21 മടങ്ങ് ആയി. പ്രവർത്തന മാർജിൻ 26.2 ശതമാനത്തിൽ സ്ഥിരത പുലർത്തിയപ്പോൾ അറ്റാദായം 30 ബേസിസ് പോയിന്റ് വർധിച്ച് 17.2 ശതമാനമായി.

English Summary: Jio Infocomm, the telecom division of Reliance Industries, on July 21 reported standalone net profit for the quarter ended June at Rs 4,863 crore, registering a growth of 12.17 percent year on year. Compared to previous quarter, it climbed 3.11 percent.