ക്രൈം ജിപിടി: കുറ്റവാളികളെ പിടികൂടുന്നതിന് എഐ സഹായം തേടി യുപി പോലീസ്

നിർമ്മിത ബുദ്ധി (Artificial Intelligence- AI) എന്നത് ഇന്ന് പല കാര്യങ്ങൾക്കും നാം പ്രയോജനപ്പെടുത്തുന്നുണ്ട്. ഇപ്പോഴിതാ പോലീസുകാരും എഐ ഉപയോഗപ്പെടുത്തികൊണ്ടുള്ള സേവനത്തിൽ എത്തിനിൽക്കുകയാണ്. യുപി പോലീസ്, ഗുഡ്ഗാവ് ആസ്ഥാനമായുള്ള AI- സ്റ്റാർട്ടപ്പ് സ്റ്റാക്ക് ടെക്നോളജീസുമായി സഹകരിച്ച് ഏറ്റവും പുതിയ സാങ്കേതികവിദ്യയായ ക്രൈം ജിപിടി വികസിപ്പിച്ചിരിക്കുകയാണ്. ഇതിലൂടെ കുറ്റവാളികളെ എളുപ്പത്തിൽ ട്രാക്ക് ചെയ്യാനും പിടികൂടാനും പോലീസിന് സാധിക്കുമെന്ന് ബിസിനസ് ലൈൻ റിപ്പോർട്ടു ചെയ്തു.