അജ്ഞാത ഉറവിടങ്ങളിൽ നിന്ന് ആപ്പുകൾ ഡൗൺലോഡ് ചെയ്യാറുണ്ടോ? സുരക്ഷിതമാണോ എന്ന് ​ഗൂ​ഗിൾ പറഞ്ഞുതരും

സൈഡ്‌ലോഡിങ്ങ് ആപ്പുകളുടെ (sideloading apps) ദോഷഫലങ്ങളെക്കുറിച്ച് ​ഗൂ​ഗിൾ പലപ്പോഴും മുന്നറിയിപ്പ് നൽകാറുണ്ട്. ഇത്തരം ആപ്പുകളിൽ മാൽവെയറുകൾ ഉണ്ടായേക്കാമെന്നും കമ്പനി മുന്നറിയിപ്പ് നൽകിയിട്ടുണ്ട്. ഇക്കാര്യത്തിൽ പുതിയൊരു ചുവടുവെയ്പുമായി രം​ഗത്തെത്തിയിരിക്കുകയാണ് കമ്പനി. ഇത്തരം സൈഡ്‌ലോഡ് ആപ്പുകൾക്ക് എന്തെങ്കിലും അപകട സാധ്യകതൾ ഉണ്ടോ എന്നും അത് നീക്കം ചെയ്യേണ്ടതുണ്ടോ അതോ പ്രശ്‌നങ്ങളൊന്നുമില്ലാതെ ഉപയോഗിക്കാനാകുമോ എന്ന് മനസിലാക്കാൻ ആൻഡ്രോയ്ഡ് ഉപയോക്താക്കളെ സഹായിക്കാനാണ് കമ്പനിയുടെ നീക്കം. ​