ടിക് ടോക്കിനെ തോൽപ്പിക്കാൻ ഇൻസ്റ്റഗ്രാം 'റീൽ' കൂടുതൽ രാജ്യങ്ങളിലേക്ക്; ഇനി ഇൻസ്റ്റഗ്രാമിലും വീഡിയോ ചെയ്യാം

കഴിഞ്ഞ വർഷമാണ് ഇൻസ്റ്റഗ്രാം പുതിയ ഫീച്ചർ പരീക്ഷണാടിസ്ഥാനത്തിൽ ബ്രസീലിൽ അവതരിപ്പിച്ചത്. 15 സെക്കന്റ് ദൈർഘ്യമുള്ള വീഡിയോ ആണ് പുതിയ ഫീച്ചറിലൂടെ ചെയ്യാനാകുക. ഇതിൽ വീഡിയോയും ഓഡിയോയും ഉപഭോക്താക്കൾക്ക് സെറ്റ് ചെയ്യാം. ടിക് ടോക്കിന് സമാനമായി മറ്റുള്ളവരുടെ ഓഡിയോ ഉപയോഗിച്ച് പുതിയ വീഡിയോ നിർമിക്കുകയും ചെയ്യാം.

റീൽ വീഡിയോകൾ ഇൻസ്റ്റഗ്രാമിൽ പങ്കുവെക്കാനാകും. ടിക് ടോക്കിലുള്ളതുപോലെ പാട്ടുകളുടെ വലിയ ശേഖരവുമായിട്ടായിരിക്കും റീലും എത്തുക.

അതേസമയം, യൂട്യൂബും സമാന ഫീച്ചറുമായി രംഗത്തിറങ്ങാനൊരുങ്ങുകയാണ്. ഷോർട്സ് എന്ന പേരിലുള്ള ഫീച്ചർ അടുത്ത വർഷത്തോടെ പുറത്തിറങ്ങുമെന്നാണ് റിപ്പോർട്ട്.