Mastodon | ട്വിറ്റർ ഉപയോക്താക്കൾ മാസ്റ്റഡോണിലേക്ക്; എന്താണ് മാസ്റ്റഡോൺ? പ്രത്യേകതകൾ എന്തെല്ലാം?

മാസ്റ്റഡോണിൽ സൈൻ അപ് ചെയ്യുമ്പോൾ നിങ്ങൾ ആദ്യം ചെയ്യേണ്ടത് ഒരു സെർവർ തിരഞ്ഞെടുക്കുക എന്നതാണ്. രാജ്യം , നഗരം അല്ലെങ്കിൽ നിങ്ങളുടെ താൽപര്യങ്ങൾ എന്നിവയ്ക്ക് അനുസരിച്ച് ഇത് തിരഞ്ഞെടുക്കാം. ഉദാഹരണത്തിന് സോഷ്യൽ, യുകെ , ടെക്നോളജി, ​ഗെയിമിങ് എന്നിങ്ങനെ വ്യത്യസ്ത തീമിൽ സെർവർ ലഭ്യമാകുന്നുണ്ട്.

നിങ്ങൾ തിരഞ്ഞെടുക്കുന്ന സെർവർ നിങ്ങളുടെ യൂസർനെയിമിന്റെ ഭാഗമാകും - ഉദാഹരണത്തിന്, നിങ്ങളുടെ നിലവിലെ ട്വിറ്റർ ഹാൻഡിലായ zsk ഉപയോഗിക്കുകയും യുകെ സെർവർ തിരഞ്ഞെടുക്കുകയും ചെയ്യുകയാണെങ്കിൽ നിങ്ങളുടെ യൂസർനെയിം @zsk@mastodonapp.uk എന്നായിരിക്കും. ഇതിലെ നിങ്ങളുടെ വിലാസം ഇതായിരിക്കും- നിങ്ങളെ കണ്ടെത്താൻ ഇതാണ് തിരയേണ്ടത്. ഒരേ സെർവർ തന്നെയുള്ളവരെ ആണെങ്കിൽ വ്യക്തിയുടെ പേര് ഉപയോഗിച്ച് നിങ്ങൾക്ക് തിരയാൻ കഴിയും, എന്നാൽ അവർ മറ്റൊരു സെർവറിലാണെങ്കിൽ നിങ്ങൾക്ക് അവരുടെ മുഴുവൻ വിലാസവും ആവശ്യമാണ്. നിങ്ങൾക്ക് ഇതിൽ ഹാഷ് ടാഗുകൾ തിരയാനും കഴിയും. എന്നാൽ, ട്വിറ്ററിൽ നിന്ന് വ്യത്യസ്തമായി, നിങ്ങൾക്ക് താൽപ്പര്യമുള്ള ഫോളോവേഴ്സിനെ മാസ്റ്റഡോൺ നിർദ്ദേശിക്കില്ല.

ലളിതമായി പറഞ്ഞാൽ മാസ്റ്റഡോൺ ഒരൊറ്റ പ്ലാറ്റ്ഫോം അല്ല. ഇത് ഒരു വ്യക്തിയുടെയോ സ്ഥാപനത്തിന്റെയോ ഉടമസ്ഥതയിലുള്ളതല്ല. ഓരോ സെർവറുകളും വ്യത്യസ്ത ആളുകളുടെയും സ്ഥാപനങ്ങളുടെയും ഉടമസ്ഥതയിലാണ് ഉള്ളത്. ഈ വ്യത്യസ്‌ത സെർവറുകൾ എല്ലാം ഒരുമിച്ച് ബന്ധിപ്പിക്കുകയും ഒരു കൂട്ടായ ശൃംഖല രൂപീകരിക്കുകയുമാണ് ചെയ്തിരിക്കുന്നത്. ഇതിനെ വികേന്ദ്രീകൃതം (decentralised) എന്നാണ് അറിയപ്പെടുന്നത്. ഒരു സ്ഥാപനത്തിന്റെ ഇഷ്ടാനുസരണം ഇവ പ്രവർത്തിപ്പിക്കാനോ വാങ്ങാനോ വിൽക്കാനോ കഴിയില്ല. വികേന്ദ്രീകൃത പ്ലാറ്റ്‌ഫോമുകളുടെ ആരാധകർ ഇഷ്ടപ്പെടുന്ന ഘടകവും ഇതാണ്. എന്നിരുന്നാലും, നിങ്ങളുടെ സെർവർ പ്രവർത്തിപ്പിക്കുന്ന വ്യക്തിയുടെയോ സ്ഥാപനത്തിന്റെയോ ഇഷ്ടത്തിനനുസരിച്ചാണ് നിങ്ങൾ പ്രവർത്തിക്കേണ്ടത് എന്നതാണ് ഇതിന്റെ ദോഷം - അവർ അത് ഉപേക്ഷിക്കാൻ തീരുമാനിക്കുകയാണെങ്കിൽ, നിങ്ങളുടെ അക്കൗണ്ട് നഷ്‌ടപ്പെടും. സെർവർ അടച്ചിടാൻ തീരുമാനിക്കുകയാണെങ്കിൽ മൂന്ന് മാസം മുമ്പ് ഉപയോക്താക്കൾക്ക് അറിയിപ്പ് നൽകണം എന്ന് മാസ്റ്റഡോൺ സെർവർ ഉടമകളോട് ആവശ്യപ്പെടുന്നുണ്ട്. ട്വിറ്ററിന്റെ സഹസ്ഥാപകനായ ജാക്ക് ഡോർസി, ബ്ലൂസ്‌കൈ എന്ന പുതിയ നെറ്റ്‌വർക്കിന് വേണ്ടിയുള്ള പ്രവർത്തനത്തിലാണ്.

ഇതിൽ പരസ്യങ്ങളൊന്നുമില്ല. നിങ്ങൾ പോസ്റ്റുകൾ എങ്ങനെ കാണുന്നു എന്നതിന്റെ അടിസ്ഥാനത്തിൽ ട്വിറ്റർ നിങ്ങളെ നയിക്കുന്നതുപോലെ ഒരു അനുഭവം മാസ്റ്റോഡോൺ വാഗ്ദാനം ചെയ്യുന്നില്ല. നിങ്ങളെ ഫോളോ ചെയ്യുന്നവർ എന്താണോ പറയുന്നതെന്ന് അതുപോലെ തന്നെ നിങ്ങൾക്ക് കാണാം.

നിങ്ങൾ ഏത് സെർവറിലാണ് എന്നതിനെ ആശ്രയിച്ചായിരിക്കും ഇത്. ചിലർ പണം ലഭിക്കാത്തതിനാൽ സംഭാവനകൾ ചോദിക്കുന്നുണ്ട്. എങ്കിലും ഏറെക്കുറെ ഇത് സൗജന്യമാണ്.