Chandrayaan 3 | ശുഭസൂചനകളൊന്നുമില്ല; വിക്രം ലാൻഡറിൽ നിന്നും പ്രഗ്യാനിൽ നിന്നും ഇതുവരെ സിഗ്നലുകൾ ലഭിച്ചില്ലെന്ന് ISRO

Published by:Naseeba TC
news18-malayalam

Last Updated:Sep 22, 2023 7:47 PM IST

ചന്ദ്രനിലെ കൊടും തണുപ്പിനെ അതീജീവിച്ചാൽ വീണ്ടും പ്രവർത്തന സജ്ജമാകുമെന്നായിരുന്നു പ്രതീക്ഷ

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

വിക്രം ലാൻഡറിൽ നിന്നും പ്രഗ്യാൻ റോവറിൽ നിന്നും ഇതുവരെ സിഗ്നലുകളൊന്നും ലഭിച്ചിട്ടില്ലെന്ന് ഐഎസ്ആർഒ. ലാൻഡറും റോവറുമായി ആശയവിനിമയം പുനസ്ഥാപിക്കാനുള്ള ശ്രമങ്ങൾ തുടരുകയാണെന്നും ഐഎസ്ആർഒ അറിയിച്ചു.

2023 ജൂലൈ 14-ന് ആന്ധ്രാപ്രദേശിലെ ശ്രീഹരിക്കോട്ടയിലുള്ള സതീഷ് ധവാൻ സ്‌പെയ്‌സ് സെന്ററിൽ നിന്നാണ് ഇന്ത്യ ചന്ദ്രയാൻ-3 വിക്ഷേപിച്ചത്. പതിനാല് ദിവസത്തെ ദൗത്യം പൂർത്തിയാക്കി സെപ്റ്റംബർ രണ്ടിന് റോവർ ദൗത്യം പൂർത്തിയാക്കി സ്ലീപ്പ് മോഡിലേക്ക് മാറി.

Chandrayaan-3 Mission:
Efforts have been made to establish communication with the Vikram lander and Pragyan rover to ascertain their wake-up condition.

As of now, no signals have been received from them.

Efforts to establish contact will continue.

— ISRO (@isro) September 22, 2023

ഭൂമിയിലെ പതിനാല് ദിവസമാണ് ഒരു ചാന്ദ്രദിനം. ഇത്രയും ദിവസമായിരുന്നു ചന്ദ്രയാന്റെ ദൗത്യകാലാവധിയും. സെപ്റ്റംബർ രണ്ടിന് ചന്ദ്രനിലെ പകൽ അവസാനിച്ചതോടെയാണ് പ്രഗ്യാൻ റോവറിന്റെ ദൗത്യം പൂർത്തിയായത്.

Also Read- ചന്ദ്രനിൽ സൂര്യോദയം; ചന്ദ്രയാന്റെ വിളിക്ക് കാതോർത്ത് ISRO

ബുധനാഴ്ച്ചയാണ് ചന്ദ്രനിൽ സൂര്യോദയമുണ്ടായത്. ഇനി പതിനാല് ദിവസം പകലായിരിക്കും. സൗരോർജത്തിൽ പ്രവർത്തിക്കുന്ന ലാൻഡറും റോവറും ചന്ദ്രനിലെ കൊടും തണുപ്പിനെ അതീജീവിച്ചാൽ വീണ്ടും പ്രവർത്തന സജ്ജമാകുമെന്നായിരുന്നു പ്രതീക്ഷ.