Realme Neo7: 7000 mAh ബാറ്ററി കപ്പാസിറ്റിയുമായി റിയൽമി നിയോ 7; ഇന്ത്യൻ വിപണിയിൽ ഉടനെത്തും

800Wh/L ഊർജ സാന്ദ്രതയുള്ള, ഉയർന്ന ട്രാൻസ്മിറ്റൻസ് ഇലക്ട്രോഡ് ആണ് ഉപയോഗിച്ചിരിക്കുന്നത്. 7000 mAh ബാറ്ററിയാണെങ്കിലും ഫോണിന് 8.5 എംഎം കനം മാത്രമാണ് ഉള്ളത്. ഡിസംബർ 11 ന് ചൈനയിൽ ലോഞ്ച് ചെയ്യുന്ന ഫോണിന് ഇന്ത്യയില്‍ വില 29,060 ആയിരിക്കുമെന്നാണ് പുറത്തുവരുന്ന റിപ്പോർട്ടുകൾ.1.5 കെ റെസല്യൂഷനുള്ള AMOLED ഡിസ്പ്ലേയാണ് ഫോണിനുള്ളത്. ഇതിന് പുറമെ 80 വാർട്‌സിന്റെ വയർഡ് ചാർജിങാണ് നിയോ 7 നായി കമ്പനി നൽകുന്നത്. റിയൽമി ജിടി നിയോ 6 ന്റെ പിൻഗാമിയായിട്ടാണ് പുതിയ ഫോൺ എത്തുന്നത്.മീഡിയടെക് ഡൈമെൻസിറ്റി 9300+ ചിപ്സെറ്റാണ് പുതിയ നിയോ 7 ന് ഉപയോഗിച്ചിരിക്കുന്നത്. റിയൽമിയുടെ ഔദ്യോഗിക വെബ്‌സൈറ്റ് വഴിയും ഇ-കൊമേഴ്‌സ് സൈറ്റുകൾ വഴിയും ഇന്ത്യയിൽ നിയോ 7 ഇതിനോടകം പ്രീ-ബുക്കിങ് ആരംഭിച്ചിട്ടുണ്ട്.