സാംസങ്, ഗൂഗിൾ പിക്സൽ ഫോണുകൾക്ക് സുരക്ഷാ ഭീഷണി; ഉപയോക്താക്കൾ അറിയേണ്ടതെല്ലാം

നിങ്ങൾ എക്സിനോസ് പ്രോസസറിൽ പ്രവർത്തിക്കുന്ന സാംസങ് ഫോണുകളോ പിക്സൽ 6/7 ഫോണുകളോ ആണ് ഉപയോഗിക്കുന്നതെങ്കിൽ സൂക്ഷിക്കുക. ഗൂഗിളിന്റെ പ്രൊജക്ട് സീറോ ടീം ഈ ഫോണുകളുമായി ബന്ധപ്പെട്ട് വലിയ ഒരു സുരക്ഷാ ആശങ്കയാണ് പങ്കുവച്ചിരിക്കുന്നത്. എക്‌സിനോസിൽ പ്രവർത്തിക്കുന്ന സ്‌മാർട്ട് വാച്ചുകളും സാംസങ്ങിനുണ്ട്. ഇതും സുരക്ഷാ ഭീഷണി നേരിടുന്നുണ്ടെന്നാണ് റിപ്പോർട്ടുകൾ. വൈ-ഫൈ കോളിംഗും VoLTE ഫീച്ചറുമായി ബന്ധപ്പെട്ടാണ് ഭീഷണി നേരിടുന്നത്. അതിനാൽ ഇവ ഉടൻ തന്നെ പ്രവർത്തനരഹിതമാക്കണമെന്ന് ഗൂഗിൾ സംഘം അറിയിച്ചു.