ഇന്ത്യയിൽ 'സ്റ്റേ സേഫ്' ക്യാമ്പയിനുമായി വാട്സ്ആപ്പ്; ലക്ഷ്യം ഓൺലൈൻ സുരക്ഷയെകുറിച്ചുള്ള ബോധവത്ക്കരണം

മെറ്റയുടെ ഉടമസ്ഥതയിലുള്ള ജനപ്രിയ ഇൻസ്റ്റന്റ് മെസ്സേജിങ് ആപ്ലിക്കേഷനായ വാട്ട്‌സ്ആപ്പ് ഒരു പുതിയ ഉപഭോക്തൃ സുരക്ഷാ ക്യാമ്പയിന് തുടക്കം കുറിച്ചിരിക്കുകയാണ്. ഉപയോക്താക്കളുടെ ഓൺലൈൻ സുരക്ഷയുടെ നിയന്ത്രണം ഏറ്റെടുക്കാനും സുരക്ഷിതമായ സന്ദേശമയയ്‌ക്കൽ അനുഭവം ഉറപ്പാക്കാനും അവരെ സ്വയം പ്രാപ്‌തമാക്കുക എന്നതാണ് സ്റ്റേ സേഫ് എന്ന ക്യാമ്പയിന്റെ ലക്ഷ്യം. വർദ്ധിച്ച് കൊണ്ടിരിക്കുന്ന ഓൺലൈൻ തട്ടിപ്പുകൾ, വഞ്ചനകൾ, അക്കൗണ്ട് ഹാക്കിങ് ഭീഷണികൾ എന്നിവയിൽ നിന്ന് ജനങ്ങളെ സംരക്ഷിക്കാൻ സഹായിക്കുന്നതിന് ആവശ്യമായ സുരക്ഷാ സംവിധാനങ്ങൾ ഉപയോഗിക്കാൻ ആളുകളെ പ്രാപ്തരാക്കുന്ന വാട്ട്‌സ്ആപ്പിന്റെ തന്നെ ഇൻ-ബിൽറ്റ് ഫീച്ചറുകളെക്കുറിച്ചും സുരക്ഷാ ക്രമീകരണങ്ങളെക്കുറിച്ചും ഉപയോക്താക്കളെ ബോധവത്കരിക്കുന്നതിലാണ് ക്യാമ്പയിൻ ശ്രദ്ധ കേന്ദ്രീകരിക്കുന്നത്.