സജീവമല്ലാത്ത ​ഗ്രൂപ്പുകൾ തനിയെ അപ്രത്യക്ഷമാകും; 'എക്സ്പയറിങ്ങ് ​ഗ്രൂപ്പ്' ഫീച്ചർ വികസിപ്പിക്കാനൊരുങ്ങി വാട്സ്ആപ്പ്

സജീവമല്ലാത്ത ​ഗ്രൂപ്പുകൾ തനിയെ അപ്രത്യക്ഷമാക്കുന്ന ‘എക്സ്പയറിങ്ങ് ​ഗ്രൂപ്പ്’ ഫീച്ചർ വികസിപ്പിക്കാനൊരുങ്ങി വാട്സ്ആപ്പ്. നിശ്ചിത സമയത്തിനുള്ളി‍ൽ ചാറ്റ് ലിസ്റ്റിൽ നിന്ന് ആവശ്യമില്ലാത്ത അല്ലെങ്കിൽ നിഷ്ക്രിയമായ ഗ്രൂപ്പുകളെ നീക്കം ചെയ്യുന്ന ഫീച്ചറാണിത്.

എക്സ്പയറിങ്ങ് ​ഗ്രൂപ്പ് ഫീച്ചർ പുറത്തിറങ്ങുമ്പോൾ, ആക്ടീവ് അല്ലാത്ത ​ഗ്രൂപ്പുകൾ നീക്കം ചെയ്യുന്നതിനായ വ്യത്യസ്ത ഓപ്ഷനുകളും തിരഞ്ഞെടുക്കാൻ സാധിക്കും. ഉപഭോക്താക്കൾ തന്നെയായിരിക്കും എക്സ്പയറി ഡേറ്റ് നിശ്ചയിക്കുന്നത്. അതായത്, ആക്ടീവ് അല്ലാത്ത ഇത്തരം ​ഗ്രൂപ്പുകൾ ഒരു ദിവസം എന്ന അടിസ്ഥാനത്തിൽ ​ചാറ്റ് ലിസ്റ്റിൽ നിന്ന് നീക്കം ചെയ്യണോ, അതോ ഒരു മാസം എന്ന അടിസ്ഥാനത്തിൽ ആക്ടീവ് അല്ലാത്ത ​ഗ്രൂപ്പുകൾ ചാറ്റ് ലിസ്റ്റിൽ നിന്ന് നീക്കം ചെയ്യണോ എന്നൊക്കെ ഉപഭോക്താക്കൾക്ക് തീരുമാനിക്കാം. ഈ ഫീച്ചർ ആവശ്യമില്ലാത്തവർക്ക് അത് ഓഫ് ആക്കി വെയ്ക്കുകയും ചെയ്യാം.

Also Read- ചിലയ്‌ക്കുന്ന ബ്ലൂബേഡ് തിരികെയെത്തി; ലോഗോ പുനസ്ഥാപിച്ച് ട്വിറ്റർ

താത്കാലികമായി ഉണ്ടാക്കുന്ന ​ഗ്രൂപ്പുകൾ നീക്കം ചെയ്യാനും സ്റ്റോറേജ് വർദ്ധിപ്പിക്കാനുമൊക്കെ പുതിയ ഫീച്ചറിന് സാധിക്കും. പുതിയ ഫീച്ചർ ഇപ്പോഴും പരീക്ഷണ ഘട്ടത്തിലാണ്. സമീപഭാവിയിൽ വാട്സ്ആപ്പ് അവതരിപ്പിക്കുന്ന അപ്ഡേറ്റുകളിൽ പുതിയ ഫീച്ചർ ലഭ്യമാകുമെന്നാണ് റിപ്പോർട്ടുകൾ.

ഉപയോക്താക്കൾക്ക് ഏറെ ഉപകാരപ്രദമായ സെർച്ച് ബൈ ഡേറ്റ് എന്ന ഫീച്ചറും വാട്സ്ആപ്പ് ഈ വർഷം ആദ്യം അവതരിപ്പിച്ചിരുന്നു. തീയതി വെച്ച് പഴയ മെസേജുകൾ കണ്ടെത്താനാകുന്ന ഫീച്ചറാണിത്. ഐഒഎസിലാണ് ഈ ഫീച്ചർ കമ്പനി അവതരിപ്പിച്ചത്.

Also Read- പുതിയ ഇ-മെയിൽ തട്ടിപ്പിനെക്കുറിച്ച് മുന്നറിയിപ്പുമായി യൂട്യൂബ്; ഉപയോക്താക്കൾ ശ്രദ്ധിക്കേണ്ട കാര്യങ്ങൾ

വാട്സ്ആപ്പ് 23.1.75 അപ്ഡേറ്റ് ഉള്ള ഐഒഎസ്സിലാണ് പുതിയ ഫീച്ചർ ലഭ്യമാകുക. ലേറ്റസ്റ്റ് അപ്ഡേറ്റുള്ള ഐഫോണിൽ എങ്ങനെയാണ് തീയതി വച്ച് പഴയ വാട്സ്ആപ്പ് മെസേജുകൾ കണ്ടെത്തുക എന്ന് നോക്കാം.

• ആദ്യം നിങ്ങളുടെ ഐഫോണിൽ നിന്നും വാട്സ്ആപ്പ് ഓപ്പൺ ചെയ്യുക
•  ഇനി പഴയ മെസേജ് കണ്ടെത്തേണ്ട ചാറ്റ് ബോക്സ് ഓപ്പൺ ചെയ്യുക
•  അടുത്തതായി കോൺടാക്ട് നെയിം ടാപ് ചെയ്ത് സെർച്ച് ഓപ്ഷൻ എടുക്കുക
• ഇവിടെ ഏത് ഡേറ്റിലുള്ള മെസേജ് വേണമെങ്കിലും നിങ്ങൾക്ക് സെർച്ച് ചെയ്തെടുക്കാം
• നിർദ്ദിഷ്‌ട തീയതിയിൽ നിങ്ങൾ അയച്ച സന്ദേശത്തിനായി തിരയാൻ, നിങ്ങളുടെ സ്‌ക്രീനിന്റെ വലത് കോണിലുള്ള കലണ്ടർ ഐക്കൺ ടാപ് ചെയ്യുക
• അപ്പോൾ സെലക്ഷൻ ടൂൾ പ്രത്യക്ഷപ്പെടും. ഇനി വർഷം, മാസം, തീയതി എന്നിവ സെലക്ട് ചെയ്താൽ നിങ്ങൾക്ക് വേണ്ട തീയതിയിലെ മെസേജ് കണ്ടെത്താം.

സെർച്ച് ബൈ ഡേറ്റ് ഫീച്ചറിനു പുറമേ, സ്വയം മെസേജ് അയക്കാനുള്ള ഓപ്ഷനും ഈ വേർഷനിലുണ്ട്. കൂടാതെ, ഇമേജുകൾ, വീഡിയോ ഫയലുകൾ, ഡോക്യുമെന്റ് എന്നിവ വാട്സ്ആപ്പിലേക്ക് നേരിട്ട് ഡ്രാഗ് ചെയ്യാനും കഴിയും.