രാജ്യം ചരിത്രത്തിലെ ഏറ്റവും വലിയ സാമ്പത്തികപ്രതിസന്ധിയിൽ; മുന്നറിയിപ്പുമായി നീതി ആയോഗ്

കേന്ദ്ര സർക്കാരിന്റെ ഏറ്റവും വലിയ വികസനനയ രൂപീകരണ സമിതിയായ നീതി ആയോഗ്. അതിന്റെ ഉപാധ്യക്ഷൻ തന്നെ നടത്തിയ തുറന്നു പറച്ചിൽ സാമ്പത്തിക വൃത്തങ്ങളെ ഞെട്ടിച്ചു. ഹീറോ കമ്പനിയുടെ സാമ്പത്തിക സംവാദ പരിപാടിയിലായിരുന്നു വെളിപ്പെടുത്തൽ. രാജ്യത്തെ തലമുതിർന്ന സാമ്പത്തിക വിദഗ്‌ദ്ധനും പ്രധാനമന്ത്രിയടക്കമുള്ളവരുടെ വിശ്വസ്തനുമായി അറിയപ്പെടുന്നയാളാണ് രാജീവ് കുമാർ. 2017 മുതൽ നിതി ആയോഗിന്റെ തലപ്പത്ത് അദ്ധേഹമുണ്ട്. ഈ വെളിപ്പെടുത്തലോടെ രാജ്യം സാമ്പത്തിക ഭദ്രതയിലാണെന്ന കേന്ദ്ര സർക്കാർ വാദം പൊളിഞ്ഞിരിക്കുന്നുവെന്ന് കോൺഗ്രസ് കുറ്റപ്പെടുത്തി.