ആലുവയിൽ വാഹനാപകടം: നിയന്ത്രണംവിട്ട കാറിടിച്ച് മൂന്ന് പേർ മരിച്ചു

കൊച്ചി: ആലുവയ്ക്ക് സമീപം മുട്ടത്ത് നിയന്ത്രണം വിട്ട കാറിടിച്ചുണ്ടായ അപകടത്തിൽ മൂന്നുപേര്‍ മരിച്ചു. നാലു പേര്‍ക്ക് പരിക്കേറ്റു. മുട്ടം തൈക്കാവ് സ്വദേശി പുതുവായില്‍ വീട്ടില്‍ കുഞ്ഞുമോന്‍, തൃക്കാക്കര തോപ്പില്‍ സ്വദേശി മറ്റത്തില്‍ പറമ്പില്‍ മജീഷ് എം ബി, മകള്‍ അര്‍ച്ചന (8) എന്നിവരാണ് മരിച്ചത്. പരിക്കേറ്റവരെ കളമശേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. തിങ്കളാഴ്ച അഞ്ചു മണിയോടെ മെട്രോ പില്ലറിലേക്ക് കാർ ഇടിച്ചു കയറുകയായിരുന്നു. ആലുവയില്‍ നിന്ന് എറണാകുളത്തേക്ക് വന്ന കാറാണ് അപകടത്തിൽപ്പെട്ടത്.