ലോക്ക്ഡൗൺ കാലത്ത് അനധികൃത മദ്യവിൽപ്പന; വണ്ടൂരിൽ ബാറുടമ പിടിയിൽ

എക്സൈസ് കമ്മീഷണർ സ്ക്വാഡിന് ലഭിച്ച പരാതിയെ തുടർന്ന് നരേന്ദ്രന്റെ നടുവത്തുള്ള വാടക വീട്ടിൽ എക്സൈസ് പരിശോധന നടത്തി. ഇവിടെ നിന്ന് അനധികൃതമായി സൂക്ഷിച്ച ആറേ കാൽ ലിറ്റർ മദ്യം കണ്ടെടുത്തു.

തുടർന്ന് പുളിക്കലിലുള്ള ബാർ ഹോട്ടലിലും പരിശോധന നടത്തി. സ്റ്റോക്കിൽ നിന്ന് 366 ലിറ്റർ മദ്യത്തിന്റെ കുറവ് കണ്ടെത്തുകയും ചെയ്തു. ഇതോടെയാണ് ഉടമ നരേന്ദ്രൻ ജീവനക്കാരായ സുനിൽ ഡേവിഡ് , രാജു, ചിന്നൻ തുടങ്ങിയവരെ കസ്റ്റഡിയിലെടുത്തത്.

ഇരട്ടി വിലക്കാണ് നരേന്ദ്രൻ മദ്യം ചില്ലറ വിൽപ്പന നടത്തിയതെന്ന് എക്സൈസ് പറയുന്നു. ഇയാളെ പെരിന്തൽമണ്ണ കോടതിയിൽ ഹാജരാക്കി റിമാന്റ് ചെയ്തു.