ജനുവരി 26 ജാലിയൻവാലാബാഗ് 2.0 ആക്കാൻ ഖാലിസ്ഥാൻ അനുകൂലികൾ ശ്രമിച്ചു; കെണിയിൽ വീഴാതെ ഡൽഹി പൊലീസ്

റിപ്പബ്ലിക് ദിനത്തിൽ ചെങ്കോട്ടയ്ക്കടുത്തുണ്ടായ നിർഭാഗ്യകരമായ അക്രമം ഏവരുടെയും കണ്ണുതുറപ്പിക്കേണ്ടതാണ്, ഇത് നിയമപാലകർക്കും പോലീസിനുമുള്ള വലിയ പാഠമാണ്. ശത്രുതാ മനോഭാവത്തോടെ നിൽക്കുന്ന ആൾക്കൂട്ടം നേതാവില്ലെങ്കിൽ അപകടകരമായി മാറിയേക്കാം. ഈ സാഹചര്യത്തിൽ, രാഷ്ട്രീയ നേട്ടത്തിനായി ചില നേതാക്കൾ നടത്തിയ നിരുത്തരവാദപരമായ പ്രസ്താവനകൾ എരിതീയിൽ എണ്ണയൊഴിച്ചതുപോലെയായി.

എന്നിരുന്നാലും, പ്രതിഷേധക്കാർക്കെതിരെ മാരകായുധങ്ങൾ ഉപയോഗിക്കാതെ മാതൃകാപരമായ സംയമനം പാലിച്ചതിന് ഡൽഹി പോലീസിനെ അഭിനന്ദിക്കാൻ ഞാൻ ആഗ്രഹിക്കുന്നു.

ഡൽഹിയിൽ അക്രമം അഴിച്ചുവിട്ടതുമായി ബന്ധപ്പെട്ട് 22 കേസുകൾ രജിസ്റ്റർ ചെയ്യപ്പെട്ടിട്ടുണ്ടെന്നും അന്വേഷണം ക്രൈംബ്രാഞ്ചിനെ ഏൽപ്പിച്ചിട്ടുണ്ടെന്നും ഞാൻ വിശ്വസിക്കുന്നു. അക്രമത്തിന് പിന്നിൽ പ്രവർത്തിച്ച പ്രധാനികളെ തിരിച്ചറിയുന്നതിന് അന്വേഷണത്തിനുള്ള എല്ലാ ശാസ്ത്രീയ സംവിധാനങ്ങളും - ഫേഷ്യൽ റെക്കഗ്നിഷൻ സോഫ്റ്റ്വെയർ, ബിഗ് ഡാറ്റ അനലിറ്റിക്സ്, സോഫ്റ്റ്വെയർ- സിസിടിവി ഫൂട്ടേജ് എന്നിവ ഉപയോഗപ്പെടുത്തണം. അവർക്ക് അക്രമികളെ തിരിച്ചറിയാൻ സഹായിക്കുന്നവർക്ക് കനത്ത പ്രതിഫലം പ്രഖ്യാപിക്കുകയും ഇവരെ കണ്ടെത്താൻ പ്രത്യേക സംഘങ്ങളെ നിയോഗിക്കണം. അക്രമികളെ ഒരു പാഠം പഠിപ്പിക്കണം: റിപ്പബ്ലിക് ദിനത്തിന്റെയും ത്രിവർണ്ണത്തിന്റെയും പവിത്രത വിലമതിക്കാനാവാത്തതാണ്. അത് തകർക്കാൻ ശ്രമിച്ചവരെ വെറുതെ വിടരുത്.