അക്സർ പട്ടേലിന്റെ 'ഹാട്രിക്' നഷ്ടമാക്കി രോഹിത് ശർമ; ഗ്രൗണ്ടിൽ ആഞ്ഞടിച്ച് ക്യാപ്റ്റന്റെ രോഷപ്രകടനം

Published by:Rajesh V
news18-malayalam

Last Updated:Feb 20, 2025 5:36 PM IST

അക്സറിനെ തൊഴുത് ഖേദപ്രകടനം നടത്തുന്ന രോഹിത്തിന്റെ ദൃശ്യങ്ങളും സമൂഹമാധ്യമങ്ങളിൽ വൈറലായി

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ദുബായ്: ബംഗ്ലദേശിനെതിരായ ചാമ്പ്യൻസ് ട്രോഫി മത്സരത്തിൽ ഇന്ത്യൻ സ്പിന്നർ അക്സർ പട്ടേലിന് ഹാട്രിക്ക് വിക്കറ്റ് നേടാനുള്ള സുവർണാവസരം ക്യാപ്റ്റൻ രോഹിത് ശർമയുടെ പിഴവിൽ നഷ്ടമായി. ബംഗ്ലദേശ് ഇന്നിങ്സിലെ ഒൻപതാം ഓവറിൽ ജേക്കർ അലിയെ പുറത്താക്കി ഹാട്രിക് തികയ്ക്കാനുള്ള ഒരുക്കത്തിലായിരുന്നു അക്സർ. എന്നാൽ ജേക്കര്‍ അലിയുടെ ബാറ്റിൽ തട്ടി ഉയർന്ന പന്ത് സ്ലിപ്പിൽ നിൽക്കുകയായിരുന്നു രോഹിത് ശർമ പാഴാക്കുകയായിരുന്നു. അനായാസ ക്യാച്ചാണ് ക്യാപ്റ്റൻ കൈവിട്ടത്.

ഒരു ഘട്ടത്തിൽ പന്ത് രോഹിത് കൈപ്പിടിയില്‍ ഒതുക്കിയെന്ന് തോന്നിച്ചിരുന്നെങ്കിലും ഇന്ത്യൻ ക്യാപ്റ്റന്റെ കയ്യിൽനിന്ന് താഴേക്കു വീഴുകയായിരുന്നു. ഇതോടെ അക്സർ നിരാശനായി. ക്യാച്ച് നഷ്ടപ്പെടുത്തിയതിലെ രോഷം ഗ്രൗണ്ടിൽ കൈകൊണ്ട് ആഞ്ഞടിച്ചാണ് രോഹിത് തീർത്തത്. അക്സറിനെ തൊഴുത് ഖേദപ്രകടനം നടത്തുന്ന രോഹിത്തിന്റെ ദൃശ്യങ്ങളും സമൂഹമാധ്യമങ്ങളിൽ വൈറലായി.

WHAT HAVE YOU DONE ROHIT 😯

Axar Patel misses out on a hatrrick vs Bangladesh as Rohit Sharma dropped a sitter in the slip region. pic.twitter.com/6h7txDasEN

— Sports Production (@SSpotlight71) February 20, 2025

ഒൻപതാം ഓവറിൽ പറിയാനെത്തിയ അക്സർ രണ്ടാം പന്തിൽ തന്നെ ആദ്യ വിക്കറ്റെടുത്തു. 25 റൺസെടുത്ത ഓപ്പണർ തൻസിദ് ഹസനാണ് പുറത്തായത്. ബംഗ്ലദേശ് താരത്തിന്റെ ബാറ്റിൽ‌ എഡ്ജായ പന്ത് രാഹുൽ പിടിച്ചെടുത്തു. അംപയർ ആദ്യം ഔട്ട് അനുവദിച്ചില്ലെങ്കിലും ഇന്ത്യൻ താരങ്ങൾ അപ്പീൽ തുടർന്നതോടെ വിക്കറ്റ് നൽകി. തൊട്ടടുത്ത പന്തിൽ മുഷ്ഫിഖർ റഹീമും സമാന രീതിയിൽ ഗോൾഡൻ ഡക്കായി. അതിനു ശേഷമായിരുന്നു രോഹിത് ക്യാച്ച് പാഴാക്കിയത്.

Summary: In a forgettable moment for Indian captain Rohit Sharma, he dropped the easiest of catches at slips off Jaker Ali to deprive Axar Patel of his first international hat-trick, in the 2025 Champions Trophy clash against Bangladesh in Dubai on Thursday.