IPL | 'രണ്ടാം പാദം തുടങ്ങാൻ കാത്തിരിക്കുന്നു; നഷ്ടപെട്ട ഒഴുക്ക് വീണ്ടെടുക്കണം' - ശിഖർ ധവാൻ

ഐ പി എൽ രണ്ടാം പാദ മത്സരങ്ങൾ സെപ്റ്റംബർ 19ന് ആരംഭിക്കുകയാണ്. രണ്ടാം പാദ മത്സരങ്ങൾക്കുള്ള അവസാന വട്ട ഒരുക്കങ്ങളിലാണ് ടീമുകളും അവരുടെ താരങ്ങളും. കോവിഡ് വ്യാപനം മൂലം ഇടയ്ക്ക് വെച്ച് നിർത്തേണ്ടി വന്ന ടൂർണമെന്റ് വീണ്ടും ആരംഭിക്കാൻ ആരാധകർ ആവേശത്തോടെ കാത്തിരിക്കുകയാണ്. എന്നാൽ ആരാധകർക്ക് മാത്രമല്ല ആ ആവേശമുള്ളത്, ടൂർണമെന്റിന്റെ ഭാഗമാകുന്ന താരങ്ങൾക്കും അതേ ആവേശമാണ് പങ്കുവെക്കാനുള്ളത്. ഇപ്പോഴിതാ രണ്ടാം പാദ ഐ പി എൽ തുടങ്ങാനായി ആവേശത്തോടെ കാത്തിരിക്കുകയാണെന്ന് വെളിപ്പെടുത്തിയിരിക്കുകയാണ് ഡൽഹി ക്യാപിറ്റൽസിന്റെ താരമായ ശിഖർ ധവാൻ.