IPL 2024 | ഐപിഎൽ ഒടിടി-ടിവി ഷെഡ്യൂൾ പ്രഖ്യാപനം തത്സമയം എവിടെ കാണാം?

ഏപ്രിൽ, മെയ് മാസങ്ങളിൽ തിരഞ്ഞെടുപ്പ് നടക്കുമെന്ന് പ്രതീക്ഷിക്കുന്നു, ഇതാണ് ഐപിഎൽ പതിനേഴാം പതിപ്പിന്‍റെ ഷെഡ്യൂൾ ഇതുവരെ വെളിപ്പെടുത്താത്തതിന്‍റെ പ്രധാന കാരണം. വാർത്താ ഏജൻസിയായ പിടിഐ റിപ്പോർട്ട് ചെയ്തത് അനുസരിച്ച് ആദ്യ 15 ദിവസത്തെ ഷെഡ്യൂൾ മാത്രമേ പ്രഖ്യാപിക്കൂവെന്നും പൊതുതിരഞ്ഞെടുപ്പ് തീയതി പ്രഖ്യാപിച്ചതിന് ശേഷം അവശേഷിക്കുന്ന മത്സരങ്ങളുടെ പട്ടിക തീരുമാനിക്കുമെന്നും ധുമാൽ പറഞ്ഞു. ലോക്‌സഭാ തിരഞ്ഞെടുപ്പ് തീയതികൾ അടുത്ത മാസം ആദ്യം പ്രഖ്യാപിക്കുമെന്നാണ് പ്രതീക്ഷിക്കുന്നത്.

2009-ൽ മാത്രം, ഐപിഎൽ പൂർണ്ണമായും വിദേശത്ത് (ദക്ഷിണാഫ്രിക്ക) നടന്നപ്പോൾ 2014 എഡിഷൻ പൊതുതിരഞ്ഞെടുപ്പ് കാരണം ഭാഗികമായി യുഎഇയിൽ നടന്നു. എന്നിരുന്നാലും, 2019 ൽ, തിരഞ്ഞെടുപ്പുകൾക്കിടയിലും ടൂർണമെന്‍റ് ഇന്ത്യയിൽ നടത്തിയിരുന്നു.